Qoımada Úkimet rezervinen bólingen aqshaǵa satyp alynǵan 530 dana kompıýter jabdyqtary jáne odan bólek О́skemen qalasyndaǵy oblystyq mamandandyrylǵan IT-mektep-lıseıinde 2730 dana kompıýter jabdyqtary saqtalǵan. Olardy onlaın-oqytýǵa qajetti kelisimshartta kórsetilgen sıpattamalarǵa sáıkestigin tekserý úshin IT-tehnologııalardyń jetekshi mamandary tartyldy. Árbir programmıst ózi teksergen kompıýterdiń talaptarǵa saı ekenin rastap aktige qol qoıady jáne ol úshin jaýapty. Qoımadaǵy kompıýterlerdi jobalyq keńse jetekshisi qarap, olardyń tehnıkalyq erekshelikterine baılanysty sáıkestigi men sapasyna qoǵamdyq monıtorıng júrgizdi.
Aıta ketkenimiz jón, mekteptegi kompıýterlik tehnıka oblys oqýshylary men pedagogtaryna ýaqytsha paıdalanýǵa beriledi. О́ńir oqýshylaryn qashyqtyqtan oqytý úshin respýblıkalyq bıýdjetten 26 509 kompıýterlik tehnıka satyp alýǵa 4,1 mlrd qarajat bólindi.
"Búginde oblysta úıde kompıýterlik tehnıkasy joq 23 myńnan astam oqýshynyń tizimi jasalǵan. Qazir olarǵa mektepterde bar kompıýterler úlestirilip berilgen", deıdi ShQO Bilim basqarmasynyń basshysy S. Jýmadılova
Bul úderistiń ashyqtyǵyn aımaqtyq sybaılas jemqorlyqqa qarsy is-qımyl departamenti men "Shyǵys – Adaldyq alańy" jobalyq keńsesiniń ókilderi kiretin arnaıy jumys komıssııasy qadaǵalaıtyn bolady.
