Qoǵam • 17 Qyrkúıek, 2020

Qazaqstanda qurylys baǵasy arzandaıdy

29 ret kórsetildi

Qurylys jáne turǵyn úı-kommýnaldyq sharýashylyq isteri komıteti engizgen tetikter esebinen arzandatý júrgiziledi, dep habarlaıdy Egemen.kz IIDM baspasóz qyzmetine silteme jasap.

  1. Obektiler qurylysynyń qunyna lımıtter belgilendi. О́ńirler boıynsha birdeı obektiler qurylysynyń quny birdeı bolýy tıis. Ol úshin normatıvtik-tehnıkalyq qujattarǵa tıisti ózgerister engizildi jáne barlyq áleýmettik jáne azamattyq-turǵyn úı obektileriniń qurylysyna shekti qundy (lımıtterdi) belgileý boıynsha Jol kartasy ázirlendi.

Lımıtti belgileý irilendirilgen kórsetkishter negizinde, olar bolmaǵan jaǵdaıda – ótkizilgen obektiler negizinde júzege asyrylady. Qoldanystaǵy "Memsaraptama" RMK portaly bazasynda lımıtti esepteý tetigi avtomattandyryldy.

  1. Baǵa qalyptastyrýdyń aıqyndyǵyn, ashyqtyǵyn jáne anyqtyǵyn qamtamasyz etetin aqparattyq júıe ázirlendi. Baǵalaýdy qalyptastyrý tolyǵymen vedomstvolyq statıstıka negizinde júzege asyrylatyn bolady.
  2. Zańnamaǵa úlgilik jobalardy mindetti qoldaný, jobalardyń biryńǵaı elektrondyq bankin qurý, sondaı-aq kvazımemlekettik sektor qarajaty esebinen birinshi jaýapkershilik deńgeıindegi obektilerdiń saraptamasyn memlekettik saraptamaǵa berý bóliginde ózgerister engiziledi. Bul túzetýler bıznes-klımatty damytý máseleleri boıynsha zań jobasy aıasynda ázirlenip, QR Parlamenti Májilisine engizildi.
  3. Jobalardy jobalaýmen jáne saraptaýmen aınalysatyn jeke jáne zańdy tulǵalarǵa qoıylatyn biliktilik talaptaryn qatańdatý josparlanýda. Smetashylarǵa qoıylatyn biliktilik talaptarynyń tizbesine, onyń ishinde beıindi biliminiń bolýyna taldaý júrgiziledi.

Smetalyq qujattama boıynsha saraptamalyq jumystardy jeke mamandandyrýǵa bólý boıynsha NQA jobasy ázirlendi. NQA jobasy memlekettik organdarda kelisý satysynda tur.

  1. Jambyl, Soltústik Qazaqstan oblystary men Nur-sultan qalasynda pılottyq jobalardy iske asyrý jalǵasyp jatyr. Bekitilgen Jol kartasyna sáıkes zańnamaǵa túzetýler ázirlendi jáne kelisilý ústinde.

Memlekettik satyp alýdy josparlaý, qarjylandyrý, ótkizý júıesi salasyndaǵy túzetýlerdi aǵymdaǵy jyldyń tamyzyna qaraı bekitý josparlanyp jatyr. Túzetýler engizý boıynsha jaýaptylar – UEM jáne QM.

Qurylys salasynda-qurylystyń bastapqy qunyn anyqtaý ádistemesi daıyndaldy.

Tıisti ózgerister engizilgennen keıin ákimdikter pılottyq jobalardy iske asyra bastaıdy.

  1. Bıylǵy jyly qurylys salasynyń ashyqtyǵyn jáne sıfrlandyrylýyn tolyq qamtamasyz etetin qurylys normalaryn sıfrlandyrý jáne sıfrlyq modeldeý tehnologııalaryn engizý boıynsha jumys bastaldy.

2020 jyly 36 normatıvtik-tehnıkalyq qujat, 2021-2023 jyldary – 195 qujat sıfrlandyrylatyn bolady.

Bolashaqta, is júzinde jobalaý-smetalyq qujattama qoldanystaǵy memlekettik normatıvterdiń talaptaryna avtomattandyrylǵan rejimde tekseriletin bolady. Bul saraptama jumysyn avtomattandyrýǵa múmkindik berip, jobalardyń sapasyna jáne olardyń qunyn esepteýge oń áser etedi.

Eske sala keteıik, mehanızmder Memleket basshysynyń 24 qańtardaǵy Úkimet otyrysynda qurylys qunyn tómendetý máselesi boıynsha bergen tapsyrmalary sheńberinde ázirlendi.

Tapsyrmany oryndaý sheńberinde:

- qurylystyń shekti quny (lımıtteri) belgilendi;

- baǵa monıtorınginiń aqparattyq júıesi iske qosyldy;

- vedomstvolyq statıstıkalyq baıqaý engizildi;

- smetalyq qujattama boıynsha saraptama jumystaryn jeke mamandandyrýǵa bólýge qatysty NQA-ǵa ózgerister engizildi

Jalǵasyp jatyr:

- Jambyl, Soltústik Qazaqstan oblystarynda jáne Nur-Sultan qalasynda qanatqaqty jobalardy iske asyrý;

- "e-Qurylys" biryńǵaı sıfrlyq portalyn engizý";

- Qurylys normalaryn sıfrlandyrý.

Sońǵy jańalyqtar

Taraz qalasynda 20 soǵys ardageri bar

Aımaqtar • Búgin, 11:00

Qazaqstannyń 7 óńiri «qyzyl aımaqta» tur

Koronavırýs • Búgin, 10:45

Qazaq degenimiz – Baýyrjan...

Rýhanııat • Búgin, 09:45

505-shi túrmeniń tutqyndary

Tarıh • Búgin, 09:15

Mereke kúnder jańbyrly bolady

Aýa raıy • Keshe

Ammanǵa attandy

Sport • Keshe

Qazanda kúsh synasýda

Sport • Keshe

Shet eldegi qazaq generaldary

Qazaqstan • Keshe

Qadir túniniń qasıeti

Rýhanııat • Keshe

Erlik pen patrıotızm mektebi

Qazaqstan • Keshe

Almaty qalasynda jer silkindi

Aımaqtar • 06 Mamyr, 2021

Uqsas jańalyqtar