Bir kún buryn Roskosmos 22 qyrkúıekte Máskeý ýaqytymen 03:18-den 10:26-ǵa deıin "Monıtor-E1" atmosferanyń tyǵyz qabattaryna enýi kerek dep habarlaǵan edi. Alaıda spýtnık búgin tańerteńgi ýaqytta orbıtadan shyǵyp ketken. Sońǵy ret qurylǵy 130-dan 142 km bıiktikte tirkelgen. Memlekettik korporasııa ókilderiniń aıtýynsha, spýtnıktiń órtenbegen fragmentteriniń jerge qulaý yqtımaldyǵy óte az.
Aıta keteıik, "Monıtor-E1" spýtnıgi ǵaryshqa alǵash ret 2005 jyldyń tamyzynda Plesesk ǵarysh aılaǵynan ushyryldy. Orbıtaǵa shyqqannan keıin baılanys birden ornatylmaı, ol táýlik ishinde ornatylǵan edi. Sol jyldyń qazan aıynda apparat basqarý problemalaryna baılanysty baǵdarlanbaǵan rejımge kirdi. Bir aıdan keıin bul másele sheshilip, spýtnıkti paıdalaný 2011 jyly toqtatylǵan bolatyn.
