Bilim – basty qundylyq

Jalpy óńirde 380 memlekettik mektep jumys isteıdi. Bul bilim ordalarynda 111 282 oqýshy oqyp jatyr.

– Bıylǵy jańa oqý jyly bastalǵanda álemdi jaılaǵan pandemııaǵa baılanys­ty oqýshylar men qyzmetkerlerdiń qaýipsizdigin, densaýlyǵyn qamtamasyz etý basty nazarda boldy, – deıdi oblystyq bilim berý basqarmasynyń basshysy Aıgúl Myńbaeva.

Qyrkúıekte sanıtarlyq dárigerdiń ruqsatymen epıdemııalyq jaǵdaıy qalypty eldi mekenderdegi 249 mektep shtattyq rejimde jumysyn bas­ta­ǵan bolatyn. Qazir bul mektepterde 24 399 oqýshy, ıaǵnı barlyq oqý­shy kontıngentiniń 21,9 paıyzy ádet­tegideı oqyp jatyr. Al 131 mektepte oqytý qashyqtan uıymdastyrylyp, oqýshy­lardyń 48,7%-y (54 273 oqýshy) qam­tylǵan.

Odan bólek, ata-analardyń ótini­shimen 15 oqýshydan aspaıtyn kezekshi synyptar jumys isteýine ruqsat etilgen bolatyn. Búginde oblystaǵy bastaýysh synyp oqýshylarynyń 66,2 paıyzy, ıaǵnı 32 610 oqýshy, mektepaldy daıarlyq synyptarynyń 53,3 paıyzy, ıaǵnı 4 286 oqýshy osyndaı kezekshi synyptarda bilim alyp jatyr.

Qaýipsizdik – basty talap

Árıne, shtattyq rejimde jumys isteıtin jáne kezekshi synyptary bar mektepter sanıtarlyq-epıdemııalyq talaptardy qatań saqtaýy qajet.

– Bul talaptardy saqtaý úshin jer­gilikti bıýdjet esebinen dezınfek­sııalyq qural­dar, teplovızorlar, bak­terısıdti lampalar satyp alyndy. Sonymen qatar IýNISEF halyqaralyq uıymy arqyly oblystyń barlyq shaǵyn jınaqty mek­tebine sanıtaızerler, temperatýrany ól­sheýish quraldar (termoskaner) jáne sanıtarlyq normalar, gıgıenany saqtaý, COVID-19 jóninde aqparattyq materıal­dar tegin taratyldy, – deıdi Aıgúl Myń­baeva.

Mektep ǵımarattarynda oqýshylar bir baǵytta qozǵalýy úshin dálizder edeninde qozǵalys belgileri salyndy. Úlken mektepterde oqýshylar birneshe jerden kirýi úshin qosymsha esikter belgilendi. Ár oqýshy jeke partaǵa otyrady. Sabaq barysynda betperdesin birneshe márte aýystyrady. Mekteptiń kireberisinde aıaqkıimge arnalǵan dezınfeksııa kilemsheleri, barlyq qabatta qoldy óńdeýge arnalǵan sanıtaızerler ornatyldy.

Qashyqtan oqyǵandar qatardan qalmaıdy

Jańa oqý jyly qarsańynda jer­gilikti bıýdjettiń únemdelgen qarjysy esebinen 1053 jáne el Úkimeti re­zer­vinen 14 970 kompıýterlik qu­ryl­ǵy satyp alýǵa qarajat bó­lin­gen. Bul qurylǵy­lardy satyp alý, kom­pıý­­terlik tehnıkany bólý bo­ıynsha «Aq­jaıyq – adaldyq ala­ńy» jobalyq keńsesi basshysy tóra­ǵalyǵymen qu­ramynda ata-analar komıtetteri men qamqorshylyq keńes músheleri, qo­ǵamdyq uıym ókilderi bar jumys toby quryldy. Aýdan jáne qala deń­geıinde de muqtaj oqýshylarǵa kom­pıýterlerdi taratý jumysy qatań baóqylaýda boldy. Sóıtip, qashyqtan oqı­tyn oqýshylardyń suraýyna saı mektep balansyndaǵy kompıýterler ýaqytsha paıdalanýǵa berile bas­tady. Bú­ginde oqýshylarǵa 11 212 kompıý­terlik qurylǵy berilgen eken.

– Kompıýteri joq qalǵan oqýshylar Úkimet rezervinen satyp alynatyn kompıýterler esebinen qamtylady. Bul kompıýterler oblysqa 1 qazanǵa deıin jetkiziledi, – deıdi basqarma basshysy.

Internet baılanysy joq oqý­shylarǵa da tıisti qurylǵylar satyp alynyp, berilýde. Bıyl uıaly baılanys operatorlary qashyqtan oqytý kezinde oqýshylarǵa arzandatylǵan «Bilim» tarıfyn usyndy. Oblys boıynsha bilim berý uıymdary arqyly bul tarıfpen 2 myńǵa jýyq oqýshy qamtylǵan.

Qurylys ta qarqyndy

Karantın saldarynan mektep ǵı­marattaryndaǵy «demalysty» paı­da­lanyp, mektepterdi jańartý, mate­rıaldyq-tehnıkalyq bazany jetildirý isi qarqyndy júrip jatyr.

Oral qalasyndaǵy Zashaǵan kentinde 2 mektep úsh aýysymda qyzmet etetin. Kóp- qabatty úıler jıi salynyp, tur­ǵyndar sany artqan jańa mektep ǵıma­ratyn salý ózekti bolǵan. Mine, osy tap­shylyqty joıý maqsatynda qazir 900 oryndyq jańa mektep qurylysy júrip jatyr.

Odan bólek, jaqynda ǵana shetel ınvestısııasy esebinen salynǵan 450 oryndyq mektep ǵımaraty paıdalanýǵa berilip, Oral qalasyndaǵy estetıka­lyq baǵyttaǵy gımnazııa úsh aýysymdy­lyqtan qu­tyldy. Sondaı-aq óńirde apat­ty mektepterdiń ornyna 4 mektep qu­rylysy jańadan salynyp jatyr. So­nyń ishinde Aqjaıyq aýdanynyń Cha­paev aýylynda 100 oryndyq ınternatymen 300 oryndyq Abaı mektep-gımnazııasy jáne Qaztalov aýdanynda 60 oryndyq Saryqudyq negizgi mektebi qurylysy bıyl aıaqtalady.

– Apat jaǵdaıynda turǵan jáne úsh aýysymda oqytatyn mek­tep­terdiń qurylysyna jeke ınvestor­lar tartylyp jatyr. Mysaly, «Nurkapstroıgaz» kompanııasy Zashaǵan kentinde 900 oryndyq, «Qaz-Holl» kompanııasy Oral qalasynda №31 orta mektep ǵımaratynyń qu­rylys jumysyn bas­taıdy, – deıdi Aıgúl Ádilgereıqyzy.

Budan bólek, memlekettiń «Aýyl besigi», «Jumyspen qamtýdyń jol kartasy» baǵdarlamalary aıasynda 33 bilim berý nysanyna kúrdeli jón­deý jáne qaıta jańǵyrtý ju­mysy da qatar júrip jatyr. Bul mem­leketimizdiń qıyn kezde de bilim salasyna basymdyq berip, qarjy aıamaı otyrǵanyn kórsetedi.

Batys Qazaqstan oblysy