Júlde qory 38 000 000 eýrony quraıtyn aıtýly jarystyń alǵashqy aınalymynda álemdik reıtıngte 27 orynda turǵan Iýlııa Pýtınseva WTA tiziminde 79 satyǵa jaıǵasqan belgııalyq Kırsten Flıpkenspen kezdesti. 1 saǵat 9 mınýtke sozylǵan bul básekede jerlesimizdyń ústemdigi esh kúmán týǵyzǵan joq. Esep – 6:1, 6:2. Endi 30 tamyzda Iýlııa argentınalyq Nadııa Podoroskamen (131 oryn) sheberlik baıqasady.
Búgin Mıhaıl Kýkýshkın (87 oryn) ıtalııalyq Fabıo Fonınımen (15 oryn), Aleksandr Býblık (56 oryn) fransııalyq Gael Monfıspen (9 oryn) kúsh synasady.
Erteń taǵy qos arýymyz jarys kórigin qyzdyrady. Zarına Dıas (77 oryn) týnıstik Ons Jabermen (35 oryn), al Elena Rybakına (18 oryn) rýmynııalyq Sorana Krystıamen (83 oryn) kezdesedi.
