Elordadaǵy Ulttyq akademııalyq kitaphanada Mádenıet jáne aqparat mınıstrliginiń Til komıteti 2011-2020 jyldarǵa arnalǵan memlekettik baǵdarlamany iske asyrý jónindegi is-sharalar josparyna sáıkes «Mektep baǵdarlamasyna engen qazaq ádebıetiniń jáne qazaq tiline aýdarylǵan álem ádebıeti klassıkteriniń aýdıohrestomatııasynyń» tusaýkeser rásimin ótkizdi.
Elordadaǵy Ulttyq akademııalyq kitaphanada Mádenıet jáne aqparat mınıstrliginiń Til komıteti 2011-2020 jyldarǵa arnalǵan memlekettik baǵdarlamany iske asyrý jónindegi is-sharalar josparyna sáıkes «Mektep baǵdarlamasyna engen qazaq ádebıetiniń jáne qazaq tiline aýdarylǵan álem ádebıeti klassıkteriniń aýdıohrestomatııasynyń» tusaýkeser rásimin ótkizdi.
Aqparattyq keńistikte memlekettik tildiń qoldaný aıasyn keńeıtý, qazaq jáne álem ádebıeti ókilderiniń shyǵarmalarynyń kópshilikke qoljetimdiligin nasıhattaý jáne oqyrman qaýymǵa aýdıohrestomatııanyń ázirlengeni týraly buqaralyq aqparat quraldary arqyly keńinen habar taratý úderisinde uıymdastyrylǵan is-sharaǵa Mádenıet jáne aqparat mınıstrliginiń basshylary, qoǵam qaıratkerleri, aqyn-jazýshylar men jobany júzege asyrýǵa jaýapty qyzmetkerler qatysty.
Jobanyń maqsaty – oqyrmannyń til mádenıetin jetildirýdi, qazaq halqynyń ádebı muralary týraly júıeli túsinik berýdi jáne álem ádebıeti úlgilerimen tanystyrýdy, izgilik, adamgershilik, ásemdik, otansúıgishtik jáne iskerlik qundylyqtardy jas urpaqtyń boıyna sińirýdi kózdeıdi. Sondaı-aq, jastardy, ásirese, mektep oqýshylaryn ınternet kózderi arqyly kórkem shyǵarmalardyń aýdıonusqasyn óz betinshe izdep, qyzyǵyp oqýǵa daǵdylandyrý bolyp tabylady. Negizinde aýdıohrestomatııa mektep jasyndaǵy balalarǵa, ata-analarǵa, sondaı-aq, qazaq tili men ádebıeti muǵalimderi men jalpy kópshilik qaýymǵa arnalyp, joba Til komıtetiniń til.gov.kz saıtynda ornalastyrylypty.
Basqosýda sóz alǵan Mádenıet jáne aqparat mınıstrligi Til komıtetiniń tóraǵasy Maqsat Sqaqov júzege asyrylyp otyrǵan is-sharanyń mańyzdylyǵyna toqtalyp ótse, belgili qalamgerler Ákim Tarazı men Tólen Ábdik til máselesindegi túıtkilderdi tilge tıek ete kele, qolǵa alynǵan ıgilikti iske rızashylyq bildirip, sáttilik tiledi. Elimizdiń eńbek sińirgen ártisi Saýyq Jaqanova, ǵalymdar Serik Negımov pen Qaırat Saq, jazýshylar Baqytjan Tobaıaqov pen Sádibek Túgel, Bilim jáne ǵylym mınıstrliginiń ókili Roza Battal men Astana qalalyq №51 mektep-gımnazııasynyń dırektory Kúnimhan Dúısenovalar atqarylǵan aýqymdy istiń mán-maǵynasyn atap ótip, óz oı-pikirlerin ortaǵa saldy.
Berik SADYR,
«Egemen Qazaqstan».
