Debat erejesi eskerilmegen, dıplomatııa talaptary saqtalmaǵan pikirtalasta Djo Baıden AQSh-tyń qazirgi prezıdenti Donald Trampty memleket tarıhyndaǵy eń nashar basshy dep atasa, Tramp Baıdenniń ár sózin bólip, oıyn aıaqtaýǵa mursha bermedi. BBC agenttigi bul tartysta jeńisti Djo Baıdenge berip otyr. «Bul saıysta Baıdendi amerıkalyqtarǵa qysymǵa tótep bere alatynyn dáleldeýge tyrysqany úshin jeńimpaz dep esepteýge bolady. Sonymen birge debat tártibin saqtap, Donald Trampqa qaraǵanda opponentiniń sózin bólip, ózine qarsy qandaı sóz aıtylsa da áriptesine oıyn jetkizýge múmkindik berdi» dep jazady.
Debatta qozǵalǵan taqyryptardyń biri áli kúnge deıin ózektiligin joǵaltpaǵan koronavırýs boldy. Tramp óziniń pandemııamen kúres sharalaryn aıtyp, sonyń nátıjesinde ólim sany 200 myńnan aspaǵanyn aıtty. Osy rette Donald Tramp prezıdenttikke Baıden kelse, jaǵdaı odan saıyn nasharlaıdy degen boljamyn jetkizdi.
Ekeýi birin-biri birneshe qylmysqa qatysty dep aıyptady. Donald Trampqa rasıstik toptardyń kóbeıýin qoldady degen aıyp taǵylsa, Baıden 1993 jyly qylmyspen kúres jónindegi zań jobasyn qoldady, saldarynan qara násildi qylmyskerlerdiń kóbeıgenin ortaǵa saldy.
Djordj Floıdtyń da ólimi sóz boldy. Basylymdar sársenbidegi debattyń tarıhta qalaryna senimdi.
Teledebattyń moderatory Krıs Ýolles ekeýine mardymdy argýmentter aıtyp, óz baǵdarlamasyn túsindirýge taǵy bir múmkindik berdi. Alaıda jaqsy saıası strategııa ornyna úmitkerler ýaqytty bos jiberip, tipti bılep ketti. Donald Tramp óz sózinde vıse-prezıdent Baıdenge «Men 47 aıda sen 47 jyl ómirińde bitirmegen jumysty aıaqtadym», dedi.
