Jastar arasynda, onyń ishinde etnos oqýshylaryna memlekettik tildi nasıhattaý, qoldaný aıasyn keńeıtý arqyly qazaqstandyq biregeılikti qalyptastyrý, qoǵamdyq kelisim men el birligin nyǵaıtýdy kózdegen baıqaýdy "Qoǵamdyq kelisim" KMM aǵa sarapshysy, "Abaı qazynasyna saıahat" klýbynyń jetekshisi Gúlzıra Sársenbek júrgizdi.
"Kim tapqyr", "Qaıym aıtys", "Qupııa sóz", "Balama maǵyna", "Til óneri" kezeńderi boıynsha synǵa túsken qatysýshylar maqal-mátelderdiń jalǵasyn aıtý, oı-tujyrymyn ashý, qoıylǵan jumbaqtyń sheshimin taýyp, frazeologııalyq sóz tirkesteriniń balama maǵynasyn aıtý syndy sharttardy oryndap, úzdikter anyqtaldy.
Baıqaýǵa oblystyq ishki saıasat basqarmasyna qarasty tilderdi oqytý ortalyǵynyń aǵa oqytýshysy Aıdana Mahambet, "Qoǵamdyq kelisim" KMM bólim basshysy Aıbek Daırabaı qazylyq jasap, myqtylardy anyqtady.
Saıys nátıjesinde júldeli 1 oryndy №198 orta mektebiniń oqýshysy Lýıza Sadıgı, 2 oryndy №7 mektep-lıseıiniń oqýshysy Mýhameddalı Gafýrov, 3 oryndy №7 mektep-lıseıinen Ilıana Kım ıelendi. Júldegerler men olardyń jetekshileri baǵaly syılyqtarmen marapattaldy.
