Qazaqstandyq taraptan Táýelsiz Memleketter Dostastyǵy Parlamentaralyq Assambleıasynyń baqylaýshylar mıssııasynyń quramynda Májilistiń Halyqaralyq ister, qorǵanys jáne qaýipsizdik komıtetiniń tóraǵasy Muhtar Erman qatysty. Al Májilis depýtaty Arman Qojahmetov Ujymdyq qaýipsizdik týraly shart uıymy Parlamenttik Assambleıasynyń baıqaýshylar mıssııasynyń baqylaýshylarynyń qatarynda bolsa, Darhan Myńbaı TúrkPA-nyń baıqaýshylar tobyna kirdi.
Sapar barysynda qazaqstandyq depýtattar Parlamentte, Saılaý jáne referendým ótkizý jónindegi ortalyq komıssııada, sondaı-aq Qyrǵyzstandaǵy saıası partııalardyń saılaýaldy shtabynyń ókilderimen birqatar ekijaqty kezdesýler ótkizdi. Sonymen qatar 4 qazandaǵy saılaýda májilismender Bishkektegi saılaý ýchaskelerinde bolyp, ashylýyna qatysty.
Sondaı-aq daýys berý prosesin, daýystardy sanaýdy jáne saılaý nátıjelerin shyǵarý barysyn baqylady.
