Komıtet tóraǵasy Dáýren Ádilbekov atap ótkendeı, «Damý» qory «Bıznestiń jol kartasy-2025», «Qarapaıym zattar ekonomıkasy» jáne basqa da baǵdarlamalar aıasynda qarjylyq qoldaýdy júzege asyra otyryp, qadaǵalaıtyn qarjy agenti bolyp tabylady.
Senatordyń aıtýynsha, «Bıznestiń jol kartasy-2020» memlekettik baǵdarlamasy 2025 jylǵa deıin shaǵyn jáne orta bıznesti damytýǵa baǵyttalǵan birqatar maqsatty ındıkatorlardy qamtıdy. Mysaly, onyń ishinde JIО́-degi shaǵyn jáne orta bıznes úlesin kem degende 33,8% deıin jetkizý bar.
«Damý» qorynyń basqarma tóraǵasy Gaýhar Bóribaeva búgingi kúnge deıin Qor barlyq qarjylyq baǵdarlamalar boıynsha 5,9 trıllıon nesıege 95 myń jobany qoldaǵanyn atap ótti. Bıylǵy jyly kásipkerlerdiń belsendiligi basym bolyp otyr. Memlekettik baǵdarlamalar aıasynda kepildendirilgen 10,1 myń nesıege qoldaý kórsetilip, 67,6 myń jeńildetilgen nesıe berildi. Qor basshysy ónerkásip salalary boıynsha óńdeýshi ónerkásip nesıe kólemi jaǵynan basym ekenin, al eger qaryz alýshylar sanyn alatyn bolsaq, eń úlken ósim saýda men aýyl sharýashylyǵynda baıqalatynyn atap ótti.
Senatorlar shaǵyn jáne orta bıznestiń damýyna kedergi bolatyn faktorlar men táýekelderge qatysty birqatar máselelerge nazar aýdardy. Kezdesý barysynda qatysýshylar osy máselelerge qatysty usynystar engizdi. Parlamenttik tyńdaý nátıjeleri boıynsha shaǵyn jáne orta bıznesti damytý úshin Úkimet, múddeli memlekettik organdar jáne «Atameken» ulttyq kásipkerler palatasyna birqatar usynystar ázirlenetin boldy.
