"AZIIа AVTO" kompanııalar toby qoǵamdyq pikirdi burmalaý maqsatynda kezekti ret negizsiz jáne shyndyqqa janaspaıtyn faktileri bar aqparat taratyp jatyr. Indýstrııa jáne ınfraqurylymdyq damý mınıstrligi buǵan deıin de atalǵan kásiporyn basshylyǵy tarapynan jasalyp jatqan aqparattyq arandatýǵa senbeýge shaqyrǵan úndeý jasaǵan edi.
"QR IIDM jáne "Azııa Avto" AQ arasynda jasalǵan 2017 jylǵy 7 sáýirdegi О́nerkásiptik jınastyrý týraly kelisim jáne 2019 jylǵy 4 qarashadaǵy №1 Qosymsha kelisim Nur-Sultan qalasyndaǵy Mamandandyrylǵan aýdanaralyq ekonomıkalyq sottyń 2020 jylǵy 24 tamyzdaǵy №7119-20-00-2/6894 sheshimimen kúshin joıyp, Holdıng tarapynan mindettemelerin oryndamaǵany úshin buzyldy. Memlekettik preferensııalardyń bolmaýy kásiporynnyń aǵymdaǵy óndirisine jáne jumys úderisine esh áser etpeıdi. Kelisimniń buzylýy Holdıng basshylyǵyn buǵan deıin ózderine alǵan mindettemelerin oryndaýǵa yntalandyrý úshin jasaldy. Kompanııa qurylǵan sátten bastap 18 jyl boıy óndirisine qoldaý kórsetilip keldi. Biraq óndiristi modernızasııalaý jáne qazaqstandyq mazmun deńgeıin arttyrý jónindegi kelisimde kózdelgen mindettemelerin oryndamady", - dep atap ótti QR IIDM Indýstrııalyq damý jáne ónerkásiptik qaýipsizdik komıtetiniń tóraǵasy Marat Qarabaev.
"Memlekettik ınvestısııalyq preferensııalar baǵyttalǵan jańa ónerkásiptik qýattylyǵynyń qurylysy aıaqtalsa, kompanııa jańa kelisim jasasý týraly ótinim bere alady. Mundaı jaǵdaıda QR IIDM memlekettik preferensııalar usynýdy qaıta jandandyrý týraly máseleni qarastyrýǵa daıyn", - dedi Komıtet tóraǵasy.
QR IIDM "AZIIа AVTO" ujymyn sabyrlyq saqtap, kásiporyn basshylyǵy tarapynan jasalatyn úreı men qysymǵa boı bermeı, negizsiz jumystan bosatqan jaǵdaıda qyzmetkerlerdi jumystan bosatý faktileriniń zańdylyǵyn teksertý úshin QR Memlekettik eńbek ınspeksııasyna habarlasýǵa shaqyrady.
QR IIDM sondaı-aq jurtshylyqty Holdıng basshylyǵynyń aqparattyq arandatý áreketterine ermeýge jáne otandyq mashına jasaý salasyn qoldaýǵa baǵyttalǵan memlekettik saıasatqa senimdi joıý maqsatynda jarııalanatyn jalǵan aqparatty taratpaýǵa shaqyrady.
