Aımaqtar • 19 Qazan, 2020

Maqtaaralda Nur Otan partııasynyń qoldaýymen salynǵan 20 úı turǵyndarǵa tabys etildi

25 ret kórsetildi

Maqtaaral aýdanyna jumys saparymen kelgen Nur Otan partııasy Tóraǵasynyń  birinshi orynbasary Baýyrjan Baıbek mamyr aıynda topan sýdan zardap shekken Jeńis, Dostyq, Jańaturmys aýyldarynyń turǵyndarymen kezdesti. B.Qydyrǵalıuly partııa tarapynan topan sý saldaryn joıý baǵytynda naqty jumystar atqarylǵanyn atap ótti, dep habarlaıdy Egemen.kz.

"Sardoba" sý qoımasynyń jarylýy saldarynan Maqtaaral aýdanyndaǵy 5 eldi meken zardap shekken bolatyn. Apat bolǵan alǵashqy kúnnen bastap Nur Otan partııasynyń Túrkistan oblystyq fılıaly ókilderi jedel shtab quramynda jumys istedi. Turǵyndardy evakýasııalaýǵa, azyq-túlikpen qamtýǵa, gýmanıtarlyq kómekti úılestirýge atsalysty. Partııanyń barlyq oblystar men qalalardaǵy fılıaldary gýmanıtarlyq kómek kerýenin jiberip, myrzashóldiktermen birge ekenderin dáleldedi. Sonymen birge Elbasy tapsyrmasymen qurylǵan "Birgemiz" qory arqyly 32 úıdi salý jóninde sheshim qabyldandy. Osyǵan baılanysty mamyr aıynda partııa basshylyǵy Maqtaaralǵa arnaıy kelip, jańa shaǵynaýdannan boı kóteretin úılerdiń irgetasyn qalaý rásimine qatysqan edi. Bes aıdaı merzim ishinde 20 úıdiń qurylysy aıaqtaldy.

Myrzashóldikterdiń qýanyshyn bólisken Baýyrjan Baıbek jańa úılerdiń kiltin saltanatty jaǵdaıda tapsyrdy.  Sonymen birge qurylysy júrip jatqan 12 úıdiń jaı-kúıimen tanysty. Ol baspanalar da taıaýda el ıgiligine berilmek. Jańa baspanaǵa ıe bolǵan Dostyq aýylynyń turǵyndary jetekshi partııanyń qamqorlyǵyna rızashylyqtaryn bildirdi. Memleket, jalpy Qazaq elinen úlken qoldaý kórgenin aıtqan turǵyndar "mundaı apat endi qaıtalanbasyn" degen tilekterin jetkizdi.

Sońǵy jańalyqtar

Erlan Qııasov jańa qyzmetke taǵaıyndaldy

Taǵaıyndaý • Búgin, 20:10

Tamyz aıyndaǵy UBT aıaqtaldy

Bilim • Búgin, 19:53

Baqyt Sultanov qyzmetinen bosatyldy

Qazaqstan • Búgin, 18:00

Dollar arzandady

Ekonomıka • Búgin, 16:42

Soltústik óńirlerde qant qymbattady

Aımaqtar • Búgin, 14:01

Uqsas jańalyqtar