Agenttik tóraǵasy Anar Jaıylǵanova Ser Chakrabartıdi Agenttiktiń qurylymymen jáne onyń eldiń memlekettik basqarý júıesindegi rólimen tanystyrdy. Memleket basshysy 2020 jylǵy 1 qyrkúıektegi Qazaqstan halqyna Joldaýynda memlekettik basqarýdyń jańa modelin qurý máselelerine erekshe nazar aýdarǵan bolatyn.
Memlekettik qyzmet isteri agenttigi QR Prezıdenti Q.K.Toqaevtyń tapsyrmalaryn iske asyrý aıasynda «halyq únine qulaq asatyn memleket» tujyrymdamasy qaǵıdattaryna saı keletin tehnologııalyq jáne tıimdiligi joǵary memlekettik apparatty qalyptastyrý boıynsha óz ustanymyn ortaǵa saldy.
Kezdesýde táýelsizdik jyldarynan beri Tuńǵysh Prezıdent-Elbasy N.Á. Nazarbaevtyń basshylyǵymen óziniń tıimdiligin kórsetken memlekettik basqarýdyń júıelendirilgen modeli qurylǵany aıtyldy.
Sondaı-aq, Agenttik tóraǵasy ázirlenip jatqan iQyzmet platformasy bazasynda sıfrlyq tehnologııalardy qoldana otyryp, jańa kózqarastar men tyń bastamalar bar kásibı kadrlardyń jańa klasterin qalyptastyrý baǵytynda birqatar jobalardyń iske asyrylyp jatqandyǵy týraly aıtty.
iQyzmet platformasy naqty ýaqyt rejıminde memlekettik qyzmettiń sapalyq jáne sandyq sıpattamalaryna taldaý júrgizýge múmkindik beredi jáne strategııalyq kadrlyq josparlaýdy iske asyrý boıynsha múmkindikterdi eleýli túrde ulǵaıtady.
О́z kezeginde Ser Chakrabartı Agenttik basshylyǵynyń ashyqtyǵy, uzaq merzimdi jáne syndarly yntymaqtastyqqa, sondaı-aq memlekettik basqarý salasyndaǵy júıeli mindetterdi birlesip iske asyrýǵa nıet bildirgeni úshin alǵysyn bildirdi.
