Úkimet • 23 Qazan, 2020

Sıfrlandyrý jónindegi komıssııanyń otyrysy ótti

16 ret kórsetildi

Premer-Mınıstr Asqar Mamın Sıfrlandyrý jónindegi komıssııanyń otyrysyn ótkizdi, dep habarlaıdy Egemen.kz Premer-Mınıstrdiń baspasóz qyzmetine silteme jasap.

                                                                         Premer-Mınıstr Asqar Mamın QR Prezıdenti janyndaǵy Sıfrlandyrýdy engizý máseleleri jónindegi komıssııanyń otyrysyn ótkizdi. «Sıfrlyq Qazaqstan» memlekettik baǵdarlamasyn jetildirý, ishki ister organdaryn sıfrlandyrý jáne jer telimderi men ınjenerlik kommýnıkasııalardyń sıfrlyq kartasyn jasaý máseleleri qaraldy.

Atqarylyp jatqan jumystar týraly sıfrlyq damý, ınnovasııalar jáne aeroǵarysh ónerkásibi mınıstri B. Mýsın, ishki ister mınıstri E. Turǵymbaev, aýyl sharýashylyǵy mınıstri S. Omarov, ındýstrııa jáne ınfraqurylymdyq damý mınıstri B. Atamqulov, energetıka mınıstri N. Noǵaev baıandama jasady.

Aǵymdaǵy jyldyń sáýir aıynda Memleket basshysy tótenshe jaǵdaı rejıminde sıfrlandyrý jónindegi jumystyń nátıjelerine taldaý jasaýdy jáne bólingen qarajatty qaıta bóle otyryp, «Sıfrlyq Qazaqstan» baǵdarlamasyn qaıta qaraýdy tapsyrdy.

Qoıylǵan mindetterdi sheshý sheńberinde memlekettik organdar, úkimettik emes uıymdar, AKT salasynyń mamandary jáne bıznes-qoǵamdastyq ókilderi «Sıfrlyq Qazaqstan» jańartylǵan jobasynyń 10 basymdyqty baǵytyn ázirledi (buryn 5 baǵyt). Olar áleýmettik qatynastar salasyn sıfrlandyrýdy, energetıka men ónerkásipke arnalǵan «Indýstrııa 4.0» tehnologııalyq platformasyn, AgriTech jáne Govtech tehnologııalyq platformalaryn qurýdy, sapaly AKT ınfraqurylymyn jáne aqparattyq qaýipsizdikti qamtamasyz etýdi, «Smartcity» tehnologııalyq platformasyn iske asyrýdy, azamattardyń qaýipsizdik deńgeıin arttyrýǵa arnalǵan sıfrlyq quraldardy, «FinTech» jáne elektrondyq saýdany, jasandy ıntellektti damytýdy jáne ınnovasııalyq ekojúıeni qurýdy qamtıdy.

Memlekettik baǵdarlamanyń jańartylǵan redaksııasynda memlekettik organdardyń, densaýlyq saqtaý jáne bilim berý júıeleriniń jumysyn jaqsartý, FinTech sektorynyń múmkindikterin keńeıtý, aqyldy qalalar júıesin ázirleý, AKT ınfraqurylymyn damytý jobalaryna erekshe nazar aýdaryldy.

Polısııa qyzmetin sıfrlandyrý sheńberinde Biryńǵaı aqparattyq-taldaý júıesin qurý jáne IIM Ahýaldyq ortalyǵyn jańǵyrtý, azamattardyń ótinishterin qabyldaýdyń túrli arnalaryn yqpaldastyrý, oblys ortalyqtaryn, respýblıkalyq mańyzy bar qalalar men elordany beınebaqylaý júıesimen tolyq jabý, «Sıfrlyq polıseı» jobasyn iske asyrý, qylmystyq-atqarý júıesi mekemeleriniń Keshendi qaýipsizdik júıesin qurý jáne basqa da sharalardy iske asyrý kózdelgen.

Jer qory jáne jyljymaıtyn múlik obektileri týraly ulttyq derekqordy qurý sheńberinde «Jyljymaıtyn múliktiń biryńǵaı memlekettik kadastry» aqparattyq júıesin qalyptastyrý, keńistiktik derekterdiń Ulttyq ınfraqurylymyn jáne sıfrlyq aýyl sharýashylyǵy kartalaryn ázirleý boıynsha jumys júrgizilýde.

Jer resýrstaryn sıfrlandyrý qorytyndysy boıynsha búkil QR aýmaǵynda ashyq paıdalanylatyn sıfrlyq karta, jer qatynastary jáne sáýlet salasynda elektrondyq qyzmetter kórsetý qurylyp, jer ýchaskelerine quqyq berý merzimi 1 jyldan 20 kúnge deıin qysqartylady, memlekettik akti, jerge ornalastyrý jobasy, sondaı-aq jer komıssııasy alynyp tastalady.

Jalpy, «Sıfrlyq Qazaqstan» memlekettik baǵdarlamasyn ózektendirý aıasynda aǵymdaǵy 125 is-sharaǵa qosymsha 145 jańa is-shara, 3 jańa ındıkator jáne 41 kórsetkish ázirlendi. Osylaısha, memlekettik baǵdarlamanyń jańa nusqasynda 15 ındıkator, 67 kórsetkish jáne 270 is-shara qamtylǵan.

Memlekettik baǵdarlamany iske asyrý nátıjesinde 2025 jylǵa qaraı memlekettik qyzmetterdiń 100%-yn onlaın-formatqa kóshirý, sıfrlandyrý salasyna ınvestısııalar kólemin 500 mlrd teńgege deıin jetkizý, IT jáne elektrondyq ónerkásip eksportynyń kólemin 200 mlrd teńgege deıin jetkizý, 1 myńnan astam jańa ınnovasııalyq kompanııalardy qurýǵa jáne 100 myń IT-mamandardy daıarlaýǵa yqpal etý josparlanýda.

Premer-Mınıstr Úkimet otyrysynda qarastyrý úshin «Sıfrlyq Qazaqstan» memlekettik baǵdarlamasynyń jańartylǵan redaksııasynyń jobasyn engizýdi tapsyrdy.

Sońǵy jańalyqtar

«Qyzyl» aımaqqa taǵy eki oblys qosyldy

Qazaqstan • Búgin, 12:17

Pnevmonııadan eki adam qaıtys boldy

Koronavırýs • Búgin, 10:00

Aqtóbede bala sýǵa batyp ketti

Aımaqtar • Búgin, 09:30

Elbasy Altaı Kólginovty qabyldady

Elbasy • 14 Mamyr, 2021

Shý aýdanynda 1,5 myń jumys orny ashylady

Aımaqtar • 14 Mamyr, 2021

Araq satylmaıtyn aýdan

Aımaqtar • 14 Mamyr, 2021

Shýchede jańa sport kesheni salynady

Aımaqtar • 14 Mamyr, 2021

Uqsas jańalyqtar