Nazarbaev Zııatkerlik mektebiniń 11-synyp oqýshysy Jáńgir Murat "Volonterlik jobalardy qoldaý" baıqaýynda grant jeńip alǵan bolatyn. Karantın ýaqytynda zııatker az qamtylǵan otbasylardyń balalary men balalar úıiniń tárbıelenýshilerine tegin gıtarada oınaý sabaqtary men aǵylshyn tili kýrstaryn júrgizgen.⠀
Baıqaýdan soń Jáńgir janyna Sultan Muratbek, Jaqsylyq Jeńis jáne ózge de nıettes, pikirles dostary qosylǵan eriktiler tobyn qurdy. Búginde olardyń qatary on birge jetti. ⠀
– Eriktilerdiń jeke jobasyna emes, qoǵamǵa paıdaly bolýyna mán berilgen baıqaý aıasynda belsendi jastarmen birge balalar úıiniń tárbıelenýshilerine arnap tegin gıtara úıirmesi ótkiziledi. Odan bólek úıirmeniń kestesine saı ZOOM platformasynda aǵylshyn tilinen de dárister júrgiziledi. Kelesi jyly basqa da úıirmelerdi ashýǵa óz tarapymyzdan qolǵabys tıgizetin bolamyz, deıdi Jastar saıasaty basqarmasynyń basshysy Dáýlet Káribek.⠀
– Bizdiń aldaǵy maqsatymyz – ártúrli mektepterden oqýshylar jınap, belsendi eriktiler tobynyń jumysyn qala deńgeıinde biriktirý, deıdi NZM oqýshylary.⠀
