Senator Súıindik Aldashev zań jobasynyń maqsaty EAEO elderi arasyndaǵy sý kóligi salasyndaǵy yntymaqtastyqty nyǵaıtý ekenin aıtty. Ol zań jobasynda EAEO-ǵa qatysýshy elderdiń ishki sý joldarynda kemelerdiń kedergisiz qozǵalysy úshin quqyqtyq negiz qalyptastyrý, porttardyń qyzmetterine teńdeı qol jetkizý, qazaqstandyq keme ıeleri men kemeler ekıpajdary músheleriniń múddelerin qorǵaý kózdelgenin atap ótti.
Senat depýtattary zań jobasy qabyldanǵanda taraptardyń ishki sý joldary arqyly kemelerdiń tranzıttik ótýine ruqsat berý tártibin jeńildeıtini, eki jaqty tasymal kezinde habarlama jasaý tártibin engizý jáne kemelerdiń ótýine ruqsat berý merzimderi qysqaratyny týraly aıtty.
Sondaı-aq zań jobasynda taraptardyń kemeleri úshin porttardyń qyzmetterine qol jetkizýdiń teńdeı jaǵdaı usyný, onyń ishinde kemeler ekıpajy músheleriniń jeke basyn kýálandyratyn qujattardy, keme qujattary men teńizshilerdiń biliktilik qujattaryn ózara taný kózdelip otyr.
Ekonomıkalyq saıasat, ınnovasııalyq damý jáne kásipkerlik komıteti zań jobasyn Senat otyrysynyń qaraýyna engizdi.
