Tehnologııa • 28 Qazan, 2020

Memlekettik sektorda sıfrly transformasııany jedeldetýge suranys artýda

35 ret kórsetildi

О́ńir elderiniń ýákiletti organdary jetekshileri Izraıl men Estonııanyń halyqaralyq sarapshylary jáne BUU-nyń jetekshi mamandarymen birlesip, elektrondyq úkimetti damytýdaǵy zamanaýı ınnovasııalyq sheshimderdi usyndy, dep habarlaıdy Egemen.kz

Halyqaralyq konferensııaǵa Eýropa, Azııa jáne Amerıkanyń 20 elinen memlekettik organdar men elektrondy úkimetti damytý salasyndaǵy jáne halyqaralyq uıymdardyń, sondaı-aq ýnıversıtetterdiń 100-den astam ókilderi qatysty.

Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın konferensııany asha otyryp: "Pandemııa memlekettik jáne áleýmettik qyzmetterdi usynýdyń dástúrli tásilderiniń álsiz jaqtaryn aıqyndap qana qoımaı, kóptegen syn-qaterlerge jaýap berýde sıfrlyq tehnologııalar mańyzdylyǵyn kórsetti", dep atap ótti.  

"BUU zertteý nátıjeleri sıfrlyq transformasııa jolynda memleketter aıtarlyqtaı progreske qol jetkizgenin jáne alǵa qadam jasaǵanyn kórsetedi. Ppandemııanyń jahandyq órshýi aýqymynda memleketter arasyndaǵy ózara tıimdi árekettesý erekshe mánge ıe", dedi ol.

Astana memlekettik qyzmet haby Basqarýshy komıteti tóraǵasy Alıhan Baımenov: "Covid-19 pandemııasy senimniń áleýmettik qundylyq qana emes, kez kelgen strategııany, onyń ishinde elektrondyq úkimet strategııasyn iske asyrǵa aýadaı qajet tıimdi ákimshilik kapıtal retindegi mańyzdylyǵyn kórsetti. Sonymen birge, jańa tehnologııalardy qoldanýda. Kez kelgen asyra silteýshilikke jol berilmeı, sheshim qabyldaýda ashyqtyq jáne jarııalylyq qatar júrýi kerek. Tájirıbe almasý zamanaýı tehnologııalardy qoldanýǵa da, jańa jaǵdaıda azamattardyń quqyqtary men bostandyqtaryn qorǵaýǵa da qatysty bolýy  asa mańyzdy", dedi Baımenov,

"Elektrondy úkimet boıynsha biz jasaǵan sholý kórsetkendeı, memlekettik sektordaǵy sıfrlyq transformasııany jedeldetýge degen suranys sońǵy aılarda kúrt ósti", dedi BUU Ekonomıkalyq jáne áleýmettik máseleler jónindegi departamenti (UN DESA) Elektrondy úkimet basqarmasy jetekshisi Vınchenso Akýaro.

Onyń aıtýynsha, "pandemııa úkimetter men qoǵamdardy daǵdarysqa qysqa merzimde jaýap berý, orta merzimde onyń saldaryn joıý, sondaı-aq uzaq merzimde strategııalyq sheshimder men quraldardy ázirleý úshin sıfrlyq tehnologııalarǵa júginýge májbúr etti".

"Bizge osy serpilisti ári qaraı kúsheıtip, sıfrly progressti odan saıyn ilgeriletip, sıfrlyq alshaqtyqty eńserý qajettigin esten shyǵarmaı, eldiń ishinde de, memleketter arasynda da eshkimdi nazardan tys qaldyrmaýymyz kerek", dedi Akýaro.

UN DESA sarapshysy Arpıne Korekıan óz baıandamasynda BUU-nyń 2020-shy jyl boıynsha elektrondy úkimet damý deńgeıine qatysty zertteýdiń sheshýshi nátıjeleri men trendterin tanystyrdy. Soǵan sáıkes, BUU-ǵa múshe 193 memleket arasynda 126-ǵa jýyq memlekette elektrondy úkimettiń damý deńgeıi joǵary jáne óte joǵary dep anyqtalǵan, Danııa, Ońtústik Koreıa jáne Estonııa kósh bastap tur. TMD elderi arasynda Qazaqstan úkimettiń ashyq derekteri, onlaın-qyzmetter damý deńgeıi ındeksi jáne teńizge shyǵa almaıtyn elder arasyndaǵy ındeks boıynsha  aldyńǵy orynǵa shyqqan.

Izraıl Ulttyq sıfrlyq mınıstrligi Memlekettik AKT basqarmasy Bas atqarýshy dırektory m.a. Shahar Braha, BUU Azııa men Tynyq muhıty  óńirine arnalǵan Ekonomıkalyq jáne áleýmettik komıssııasy AKT jáne apattar qaýpin azaıtý jónindegi departamenti dırektory Tısıana Bonapache, Estonııa Elektrondy basqarý akademııasy Atqarýshy dırektory jáne Basqarma tóraǵasy Hannes Astok COVID-19 pandemııasy kezinde memlekettik qyzmetterdi tıimdi usyný boıynsha ozyq tájirıbelerimen, sondaı-aq biregeı ınnovasııalyq sheshimderimen bólisti.

Qyrǵyz Respýblıkasy Aqparattyq tehnologııalar jáne baılanys memlekettik komıteti tóraǵasy Altynbek Ismaılov, Belarýs Baılanys jáne aqparattandyrý mınıstriniń birinshi orynbasary Pavel Tkach, О́zbekstan Aqparattyq tehnologııalar jáne kommýnıkasııalar mınıstriniń birinshi orynbasary Oleg Pekos, Ázirbaıjan Elektrondy úkimetti damytý ortalyǵy dırektory Farız Djafarov, "Ulttyq aqparattyq tehnologııalar" AQ Basqarma tóraǵasy Áset Turysov jáne basqalary elektrondy úkimetti damytýdaǵy óz jetistikteri men jańa mindetterimen tanystyrdy. BUU-nyń elektrondy úkimet jónindegi zertteýi aıasyndaǵy óńir elderinde elektrondy úkimettiń damýyndaǵy jetistikter men syn-tegeýrinder" atty onlaın-konferensııany Astana memlekettik qyzmet haby, Sıfrlyq damý, ınnovasııalar jáne aeroǵarysh ónerkásibi mınıstrligi, BUU Ekonomıkalyq jáne áleýmettik máseleler jónindegi departamenti, "Zerde" holdıngi birlesip uıymdastyrdy.

Konferensııa barysynda qatysýshylar ózara árekettesý keleshegi jáne osy másele boıynsha jahandyq jáne óńirlik yntymaqtastyqty nyǵaıtý qajettiligin talqylady.

Spıkerlerdiń prezentasııalarymen Astana memlekettik qyzmet habynyń resmı saıtynda tanysýǵa bolady: www.astanacivilservicehub.org/ru

Sońǵy jańalyqtar

QHL: «Barys» «Vıtıazge» jol berdi

Hokkeı • Búgin, 19:35

«Egemenge» jazylyńyz – syılyq utyp alyńyz!

Egemen Qazaqstan • Búgin, 19:08

Kýrchatovta AES salynýy múmkin

Qazaqstan • Búgin, 18:02

Qyrǵyzstanda tynyshtyq kúni ornady

Álem • Búgin, 12:30

Koronavırýstyń jańa shtammyna ataý berildi

Koronavırýs • Búgin, 11:37

Vaksına saldyrǵandar sany artty

Koronavırýs • Búgin, 09:35

Pavlodar oblylysy «qyzyl» aımaqtan shyqty

Koronavırýs • Búgin, 09:16

905 adamnan koronavırýs anyqtaldy

Koronavırýs • Búgin, 09:08

Uqsas jańalyqtar