12 qazanda Qostanaı qalasynyń PB kezekshi bólimine qońyraý kelip tústi. Jeke úıdiń ıeleri septıkten adamnyń qańqasyn tapqanyn habarlaǵan. Erli-zaıyptylar jaǵymsyz ıisti sezip, kərizdi tazartpaq bolǵan. Alaıda kútpegen jaǵdaıǵa tap bolyp, tez arada polısııaǵa habar bergen.
Atalǵan derek QR QK 99-baby 1-bóligi "kisi óltirý" boıynsha SDTBT-de tirkeldi. Oqıǵa ornyna 10 tájirıbeli qyzmetkerden turatyn jedel-tergeý toby attandy.
Turǵyndardyń aıtýynsha, septık úıdiń aýlasynyń syrtynda, qorshalmaǵan aýmaqta ornalasqan. Beti temirmen jabylǵan, biraq qulyppen bekitilmeıdi.
"Birinshi kezekte biz bireý qylmys jasap, deneni osy kárizge tastap ketken degen nusqany qarastyrdyq", dep atap ótti Qostanaı qalasynyń PB krımınaldyq polısııa bóliminiń bastyǵy Erbol Qarymsaqov.
Keıinirek bul nusqa qarastyrylmady. Sebebi, lıýk bóten adam ony baıqaı almaıtyn jerde ornalasqan. Muny eskergen polıseıler kisi óltirilgen ýaqytta osy aımaqta bolǵan kúdiktilerdi izdestirýdi bastady. Sonymen qatar, jedel ýákilder məıittiń jeke basyn anyqtaý jumystaryn júrgizdi. Tərtip saqshylary iz-túzsiz joǵalǵandardyń tizimin tekserdi. Olardyń nazaryna 2017 jyldyń qarashasynan beri habar-osharsyz joǵalyp ketken qala turǵynynyń izdestirý isi ilikti. Tabylǵan məıittegi kıim qaldyqtary da er adamnyń joǵalǵandaǵy sıpattamasyna sáıkes keldi.
Jedel-izdestirý is-sharalary barysynda polısııa qyzmetkerleri erli-zaıyptylardyń úsh jyl buryn órtten keıin úıdi qalpyna keltirý úshin jumysshylardy jaldaǵanyn anyqtady.
Polıseıler atalǵan úıdi jóndeýge qatysqan jumysshylardy, kúdiktilerdi quryqtady. Qazirgi ýaqytta olar qamaýda. Tergeý amaldary júrgizilýde. Qylmystyq is aıasynda ólgen adamnyń jeke basyn tolyqtaı anyqtaýǵa, sondaı-aq, osy qylmystyń sebepterin jáne kúdiktilerdiń árqaısysynyń oǵan qatysý dárejesin ashýǵa kómektesetin tórt saraptama taǵaıyndaldy.
