Saıasat • 29 Qazan, 2020

Qyrǵyzstannyń Syrtqy ister mınıstri Qazaqstanǵa jumys saparymen keldi

8 ret kórsetildi

Búgin Qazaqstan Respýblıkasynyń Syrtqy ister mınıstri Muhtar Tileýberdiniń Nur-Sultan qalasyna jumys saparymen kelgen Qyrǵyz Respýblıkasynyń Syrtqy ister mınıstri Rýslan Kazakbaevpen kelissózderi ótti, dep habarlaıdy Egemen.kz SIM baspasóz qyzmetine silteme jasap.

Kezdesý barysynda taraptar saýda-ekonomıkalyq, ınvestısııalyq, tranzıt-kóliktik jáne mádenı-gýmanıtarlyq salalardaǵy Qazaqstan-Qyrǵyzstan yntymaqtastyǵy máseleleri boıynsha pikir almasty. Buryn asa joǵary jáne joǵary deńgeıde qol jetkizilgen ýaǵdalastyqtarǵa beıildilik rastaldy.

Syrtqy saıası vedomstvolarynyń basshylary 1997 jylǵy 8 sáýirdegi Máńgilik dostyq týraly jáne 2003 jylǵy 25 jeltoqsandaǵy Odaqtastyq qatynastar týraly sharttar rýhynda eki eldiń strategııalyq áriptestigi men kópjosparly yntymaqtastyǵyn nyǵaıtýdyń mańyzdylyǵyn atap ótti.

Kelissózder barysynda M. Tileýberdi Qyrǵyzstandaǵy qazaqstandyq kásiporyndarǵa jasalǵan shabýyl faktilerine joǵary alańdaýshylyq bildirip, qyrǵyz tarapyn quqyqtyq tártipti jáne Qazaqstan azamattary men kompanııalarynyń qaýipsizdigin qamtamasyz etý boıynsha sharalar qabyldaýǵa shaqyrdy.

Mınıstrler halyqaralyq uıymdar aıasyndaǵy ózara is-qımyldy talqylady. Ortalyq Azııa aımaǵynda óńirlik kooperasııany damytýda oń dınamıkany saqtaýǵa erekshe nazar aýdaryldy.

SIM basshylary COVID-19 jahandyq pandemııasyna qarsy birlesip is-qımyl jasaý máselelerinde ózara árekettestik jónindegi jumysty jalǵastyrýǵa kelisti.

Sońǵy jańalyqtar

Vıkıngterdiń izimen

Tarıh • Keshe

Uqsas jańalyqtar