Kún raıynyń kúrt ózgerýi men kóktaıǵaqtyń oryn alýy joldardaǵy jaǵdaıdy ózgertti. Áskerlerde keshendi aldyn alý sharalary aıasynda áskerı qyzmetshilerdiń júrgizý mádenıetin arttyrýǵa jáne avtokólikti apatsyz paıdalanýǵa baǵyttalǵan sabaqtar uıymdastyryldy. Atalǵan sabaqtar áskerı polısııa, IIM, TJM jáne qoǵamdyq avtoáýesqoılar ókilderiniń qatysýymen ótýde.
Bul sabaqtar barysynda áskerı qyzmetshiler jol-kólik oqıǵalarynyń statıstıkasymen tanysyp, kólikti paıdalanýda oryn alatyn táýekelder, buzýshylyqtar týraly aıtylmaq. Júrgizýshilerge sonymen qatar avtokólikti jyl mezgiline qaraı qyzmet kórsetý jáne túrli joldarda júrgizý boıynsha praktıkalyq keńester beriledi.
Is-sharalar barysynda laýazymdy adamdar júrgizýshilerdiń jáne kólikterdiń qujattaryn tekserip, qysqy kezeńge kólikti paıdalanýdyń tehnıkalyq jabdyqtary men daıyndyǵyn tekseredi. Tekserýdiń qorytyndysy boıynsha avtokóliktiń tehnıkalyq jaǵdaıy men kemshilikterdi joıý boıynsha usynystar beriledi.
Armııa áskerlerinde jol-kólik oqıǵalaryn aldyn alý jónindegi jumystar turaqty júrgizilip keledi. Jol qozǵalysynyń qaýipsizdigine qatysty, atap aıtqanda, «Nazar aýdaryńyz, jaıaý júrginshi», «Avtokóliktiń qysqa daıyndyǵy – apatsyz paıdalaný kepili» sekildi aılyqtar ótkiziledi.
