Iske qosylǵan ozyq tehnologııa eski batareıalardy paıdalaný múmkindikterin keńeıtedi. Jańa úlgidegi akkýmýlıator korpýstary tolyqtaı qaıtalama shıkizattan jasalatyn bolady. Al ol ıtalıandyq "INJITEK" óndirisiniń jańa zamanaýı jelisinde qaıta óńdeledi jáne óndiristik tazartý qurylǵysynyń kómegimen elektrolıtti tolyq beıtaraptandyrady.
Jańa tehnologııalyq jeli qorshaǵan ortaǵa keltiretin keri áserdi azaıtady. О́ıtkeni ol tazartý súzgilerimen jabdyqtalyp otyr.
Qazirgi ýaqytta zaýyt jylyna 2,5 mln dana akkýmýlıator batareıasyn shyǵarady. Al jańa jeliniń iske qosylýynyń nátıjesinde kásiporynnyń óndiristik qýattyn jylyna 3,7 mln akkýmýlıatorlyq batareıaǵa deıin arttyrýǵa múmkindik beredi.
Elimizdegi iri qaıta óńdeý kásiporyndarynyń birin jańǵyrtý О́KM Operatorynyń qarjylaı qoldaýynyń arqasynda múmkin bolyp otyr. Qaınar-AKB zaýyty paıdalanylǵan akkýmýlıatorlardy jınaý, olardy qaıta óńdeý jáne kádege jaratqany úshin Operatordan ótemaqy tólemderin alady.
2016-2020 jyldar aralyǵynda zaýyt 4 061 618 031 teńge aldy. Osy jyly zaýyt óndirilgen ónimdi ótkizý geografııasyn keńeıtip, BAÁ, Italııa naryǵyna shyqty.
Zaýyt Qytaı jáne Eýropa naryǵyna shyǵýdy, starterlik jáne stasıonarlyq batareıalardyń jańa túrlerin ıgerip, satý kólemin jylyna 3,7 mln danaǵa deıin ulǵaıtýdy josparlap otyr.
