Ortalyq ata-anasynyń qamqorlyǵynsyz qalǵan balalardy qysqa merzimdi kútip-baǵýdy, beıimdeýdi jáne odan ári ornalastyrýdy qamtamasyz etedi, sondaı-aq kámeletke tolmaǵandar arasynda qaraýsyzdyq pen panasyzdyqtyń aldyn alý boıynsha profılaktıkalyq jumystar júrgizedi.
Ortalyqqa barý barysynda Almaty qalasy ákiminiń orynbasary Erjan Babaqumarov kámeletke tolmaǵandarǵa qosymsha bilim berý jáne damytý sabaqtaryn uıymdastyrý máselelerin qarastyrdy.
Koronavırýstyq pandemııa aıasynda sanıtarlyq-epıdemıologııalyq qaýipsizdik pen uıymdaǵy karantındik sharalardyń saqtalýy týraly másele erekshe qaraldy.
Ortalyq balalardy oqytýǵa arnalǵan noýtbýktar men planshettermen qamtamasyz etetin bolady. Sonymen qatar, kitaphana qory jańartylyp, ortalyq aýmaǵynda balalar sport alańdary ornatylady.
"Jumyspen qamtýdyń jol kartasy" baǵdarlamasy aıasynda ǵımaratta jóndeý jumystary júrgizilip jatyr, ony bıylǵy jyldyń qarasha aıynda aıaqtaý josparlanǵan.
