Budan bólek, oblys ortalyǵynda qazaq handary men bıleri jáne "Túrki álemi" ortalyqtary, Túrkistan oblystyq ámbebap-ǵylymı kitaphanasynyń qurylys jumystary júrgizilýde. Sondaı-aq óńirde mádenı is-sharalar búgingi talapqa saı ótkizilip keledi. О́ńirlik kommýnıkasııalar qyzmetinde ótken brıfıngte oblystyq mádenıet basqarmasynyń basshysy Ázimhan Qoılybaev sońǵy 9 aıda óńirdegi 24 mýzeıde 2000-nan asa onlaın is-shara uıymdastyrylyp, 3369 dana jańa eksponat jınaqtalǵanyn atap ótti. Nátıjesinde oblystaǵy mýzeılerdiń jalpy qory 173 986 danaǵa jetip otyr. Sondaı-aq bıyl uly kompozıtor Shámshi Qaldaıaqovtyń 90 jyldyǵyna oraı, Otyrar aýdanynda kompozıtordyń ózi turǵan úıinen "Sh.Qaldaıaqov" mýzeıi ashyldy. Basqarma basshysynyń málimdeýinshe, kelesi jyly Túrkistanda halyqaralyq teatr festıvalin ótkizý josparlanyp otyr.
Jalpy, búgingi tańda oblysta 678 mádenıet jáne óner mekemesi jumys isteıdi. Jyl basynan beri koronavırýs indetine baılanysty shekteý sharalarynyń talaptary saqtala otyryp, oblystyq mádenıet basqarmasynyń uıytqy bolýymen klýbtar men kitaphanalarda, mýzeılerde 9 myńnan astam is-shara ótkizilgen.
