Sh.Sh.Ýálıhanov atyndaǵy Tarıh jáneetnologııa ınstıtýtynda "Orazaq Smaǵulov – Qazaqstan antropologııa ǵylymynyń negizin qalaýshy" taqyrybynda ótken halyqaralyq ǵylymı-praktıkalyq konferensııa ǵalym-antropolog, tarıh ǵylymdarynyń doktory, professor, QR UǴA akademıgi, Bolonııa ǵylym akademııasynyń korrespondent múshesi, Sh. Ýálıhanov atyndaǵy syılyqtyń laýreaty Smaǵulov Orazaq Smaǵululynyń 90 jasqa tolýyna arnaldy.
Jıyndy saltanatty jaǵdaıda ashqan Sh.Sh.Ýálıhanov atyndaǵy Tarıh jáne etnologııa ınstıtýty dırektory Z.Qabyldınov ǵalymnyń eńbek jolyna qatysty mazmundy málimetter berip, qatysýshylarmen tanystyryp ótti. Konferensııa barysynda ulttyq antropologııanyń atasy atanǵan Orazaq Smaǵululynyń Qazaqstan antropologııa ǵylymy damýyna qosqan orasan zor úlesin segiz memleketten qatysqan ǵalymdar óz baıandamalaryna arqaý etti.
Uzaq jyldar boıy Sh.Sh.Ýálıhanov atyndaǵy Tarıh jáne etnologııa akademııalyq ınstıtýtynda jumys istep, osy qara shańyraqta Qazaqstandaǵy tuńǵysh etnıkalyq antropologııa zerthanasyn qurǵan O.Smaǵululy bastamashy bolǵan osyndaızerthanalar Nur-Sultan qalasyndaǵy Ulttyq mýzeı, M. Áýezov atyndaǵy Ońtústik Qazaqstan memlekettik ýnıversıteti janynda da jumys isteıdi. Ǵalym búginde osy zerthanalarda ǵylymı-zertteýlerin jalǵastyryp keledi. Akademık kóptegen eńbekterinde, monografııalar men maqalalarynda jınaqtalyp berilgen etnıkalyq kranıologııa, serologııa, paleoantropologııa, somatologıı, odontologııa, dermatoglıfıka salasyndaǵy zertteýleri ǵylymı jáne mádenı qaýymdastyq arasynda zor suranysqa ıe.
Alqaly jıyn ǵalymnyń mereıtoıyna arnalǵan quttyqtaý hattardy oqýmen jalǵasyp, QR UǴA akademıgi M.Qoıgeldi, Memlekettik tarıh ınstıtýty dırektorynyń orynbasary, tarıhy ǵylymdarynyń doktory, professor B.Aıaǵan, QR UǴA akademıgi, fılologııa ǵylymdarynyń doktory, professor D.Qamzabekuly, tarıhy ǵylymdarynyń doktory, professor A.Toqtabaı, belgili antropolog A.Smaǵulova, t.b. antropolog-ǵalym, ustaz haqyndaǵy júrekjardy estelikterimen bólisip, quttyqtaý-lebizderin arnady.
