Sybaılas jemqorlyqqa qarsy is-qımyl agenttigi Parasattylyq departamentiniń basshysy Ǵanıjan Asanuly ashyqtyqty qamtamasyz etetin servıstik ákimdiktiń óńirdegi barlyq qala, aýdandarda ashylýy tıis ekenin jetkizdi. Oblys aktıvimen ótken kezdesýde.
Sybaılas jemqorlyq mádenıetin qalyptastyrý maqsatynda Túrkistan óńirine arnaıy jumys saparymen kelgen Sybaılas jemqorlyqqa qarsy is-qımyl agenttiginiń janynan qurylǵan aqparattyq-úgit nasıhat shtabynyń tóraıymy Yrza Tursynzada men departament basshysy Ǵanıjan Asanuly aldymen oblys aktıvimen kezdesý ótkizdi. Qoǵamdyq baqylaý jáne azamattardyń qarjylyq saýattylyǵyn arttyrý maqsatynda qurylǵan "Ashyq bıýdjetterdiń ınteraktıvti kartasynda" Túrkistan oblysy boıynsha mekemelerdiń jalpy sommasy 373, 6 mlrd teńge bıýdjeti jarııalanǵan. Bul oraıda departament basshysy jyl sońyna deıin tolyq jarııalanýy boıynsha usynys-pikirin bildirdi.
Kıeli óńirge arnaıy kelgen qonaqtarǵa óz alǵysyn bildirgen oblys ákimi О́mirzaq Shókeev rýhanı astana mártebesin arqalaǵan Túrkistannyń sybaılas jemqorlyqtan ada, taza óńir retinde tanylýy tıis ekendigin jetkizdi. Al respýblıkalyq shtab tóraıymy Yrza Tursynzada: "Ult bolyp uıysýdyń basty tetigi - rýhanı tárbıe, ıaǵnı adamzattyń boıynda adamgershilik, adaldyq, ádildik jáne parasattylyq syndy quny bıik qasıetter bolsa, sonda ǵana sybaılas jemqorlyq sııaqty teris qubylystyń qoǵam ómirinde joly kesiledi", dep atap ótti.
Agenttiktiń Túrkistan oblysy boıynsha Departamentiniń basshysy Hakım Kóshqalıev, oblystyq ákimdiktiń bólim basshylary men qyzmetkerleri, oblystyq máslıhat depýtattary, aýmaqtyq departament basshylary, oblystyq aqparattyq-úgit nasıhat shtabynyń tóraǵasy, arnaıy monıtorıngtik top músheleri, úkimettik emes uıym jáne BAQ ókilderi qatysqan jıynda, sondaı-aq halyqpen syndarly suhbat qurý jáne parasattylyq qundylyqtaryna kóbirek kóńil bólý, jemqorlyq kórinisterin qabyldamaý arqyly adal eńbek etý – árbir el azamatyna júktelgen ortaq mindet ekendigi aıtyldy.
Túrkistan oblysy
