Aqtaý qalalyq probasııa qyzmetiniń qyzmetkerleri «Biz adamdarmyz – biz birgemiz» qoǵamdyq qorymen jáne Qazaqstan eriktileri lıgasymen birlesip, «Shans» qoǵamdyq qorynyń janýarlardy ýaqytsha ustaý ortalyǵynda kezekti senbilik ótkizdi.
– Qala eriktileri, probasııa qyzmetkerleri áleýmettik jumystyń ártúrli baǵyttary boıynsha turaqty túrde qoǵamdyq is-sharalarǵa belsendi qatysady. Máselen, Aqtaý qalalyq probasııa qyzmetiniń esebinde turǵan sottalǵandar ıtterge arnalǵan úıshik daıyndap, qoǵamdyq qorǵa tabystady jáne taǵy bir úıshik daıyndalýda. Sondaı-aq probasııa qyzmetkerleri qaqpalar men janýarlardyń jaramsyz qorshaýlaryn dánekerledi. Al «Biz adamdarmyz – biz birgemiz», «Qazaqstan eriktiler lıgasy» qoǵamdyq qorlarynyń eriktileri aǵash úıshikterdi jóndep, aýmaqty tazalady jáne janýarlarǵa jylýlyq syılaýdyń ozyq úlgisin kórsetti. Eriktiler jyly qoǵamdaǵy túrli salalarǵa qozǵaý saldy jáne kelesi jyly quqyq qorǵaý organdary men azamattyq qoǵam odan ári tyǵyz baılanysty nyǵaıtady degen úmittemiz, – deıdi Mańǵystaý oblysy boıynsha QAJ departamenti probasııa qyzmetiniń bastyǵy Ǵabıt Chýtabekov.
El arasynda eseli eńbek etip júrgen eriktilerdiń jan-janýarlarǵa jaqsylyq jasaýy bul istermen shektelip qalmaıdy jáne probasııa qyzmetkerleri de bul izgi sharalardan tys qalmaq emes.
Mańǵystaý oblysy
