Úkimet • 06 Qarasha, 2020

Asqar Mamın: TMD Ekonomıkalyq damý strategııasyn tıimdi iske asyrý qajet

14 ret kórsetildi

Premer-Mınıstr Asqar Mamın beınekonferensııa baılanysy rejiminde Táýelsiz Memleketter Dostastyǵynyń (TMD) Úkimet basshylary keńesiniń (ÚBK) otyrysyna qatysty, dep habarlaıdy Egemen.kz Premer-Mınıstrdiń baspasóz qyzmetine silteme jasap.

"Bizge pandemııa saldaryn barynsha azaıtý jáne jańa ekonomıkalyq shynaıylyqtarǵa daıyndyq úshin ózara is-qımyl núktelerin birlesip izdeýdi jalǵastyrý qajet", dedi A. Mamın.

Qazaqstan Úkimetiniń basshysy pandemııanyń saldaryn azaıtý jónindegi sharalardy qosa alǵanda, TMD-nyń 2030 jylǵa deıingi kezeńge arnalǵan Ekonomıkalyq damý strategııasyn tıimdi iske asyrýdy qamtamasyz etý qajettigin atap ótti.

Premer-Mınıstr Qazaqstanda qurylyp jatqan Ulttyq taýar ótkizý júıesiniń modelin keńeıtýdi jáne TMD-nyń Taýar ótkizý júıesin qalyptastyrýdy usyndy.

"Elderimiz arasynda AО́K ónimderiniń úzdiksiz aǵynyn qamtamasyz etý – azyq-túlik qaýipsizdigin jáne qoǵamdaǵy áleýmettik-ekonomıkalyq turaqtylyqty qamtamasyz etýdiń negizgi faktory", dedi A. Mamın.

Úkimet basshysy TMD-ǵa qatysýshy elderdiń birlesken týrıstik jobalardy iske asyrý bastamasyn kóterdi. Mysal retinde Qazaqstan men О́zbekstannyń "Uly Jibek joly" transshekaralyq týrıstik ónimin qurý jónindegi jumysy keltirildi. Bul rette elder vızalyq rejımderdi úndestirýdi jáne "Túrkistan – Shymkent – Tashkent – Samarqand – Buhara – Hıýa" joǵary jyldamdyqty temirjol qatynasyn uıymdastyrýdy josparlap otyr.

Premer-Mınıstr TMD aıasynda "jasyl" tehnologııalardy damytý jáne engizý boıynsha birlesken is-qımyl josparyn ázirleýdi usyndy.

"Qorshaǵan ortany qorǵaý jónindegi kelisilgen jumys ekonomıkalarymyzdyń turaqty damýy jáne uzaq merzimdi perspektıvada halyqtyń turmys sapasyn arttyrý úshin qosymsha jaǵdaılar jasaýǵa jol ashady", dedi A.Mamın.

Otyrysqa Ázerbaıjan Premer-Mınıstri Alı Asadov, Belarýs Premer-Mınıstri  Roman Golovchenko, Qyrǵyzstan Premer-Mınıstri  Sadyr Japarov, Moldova Premer-Mınıstri Ion Kıký, Reseı Premer-Mınıstri  Mıhaıl Mıshýstın, Tájikstan Premer-Mınıstri Kohır Rasýlzoda, О́zbekstan Premer-Mınıstri Abdýlla Arıpov, Armenııa vıse-premer-mınıstri Mger Grıgorıan, Túrikmenstan mınıstrler kabıneti tóraǵasynyń orynbasary Rashıd Meredov, TMD atqarýshy hatshysy Sergeı Lebedev qatysty.

TMD aıasyndaǵy ekonomıkalyq ózara is-qımyldyń ózekti máseleleri jáne TMD-nyń 2030 jylǵa deıingi kezeńge arnalǵan Ekonomıkalyq damý strategııasynyń birinshi kezeńin iske asyrý jónindegi is-sharalar jospary talqylandy.

Otyrys qorytyndysy boıynsha radıoaktıvti materıaldardy transshekaralyq tasymaldaý, TMD-ǵa qatysýshy memleketterdiń qoǵamdy sıfrlyq damytý salasyndaǵy aqparattyq ózara is-qımyly týraly kelisimder, sondaı-aq atom energetıkasynda, aýyl sharýashylyǵynda, kólik sektorynda, mashına jasaýda jáne basqa da salalarda yntymaqtastyqty nyǵaıtý jónindegi sheshimder qabyldandy.

TMD ÚBK kelesi otyrysyn 2021 jylǵy mamyrda Mınsk qalasynda ótkizý josparlanyp otyr.

 

Sońǵy jańalyqtar

Bir shańyraqtan – úsh maıdanger

Rýhanııat • Búgin, 14:00

Jetpis jeti jyldan keıin kelgen marapat

Aımaqtar • Búgin, 11:47

Taraz qalasynda 20 soǵys ardageri bar

Aımaqtar • Búgin, 11:00

Qazaqstannyń 7 óńiri «qyzyl aımaqta» tur

Koronavırýs • Búgin, 10:45

Qazaq degenimiz – Baýyrjan...

Rýhanııat • Búgin, 09:45

505-shi túrmeniń tutqyndary

Tarıh • Búgin, 09:15

Mereke kúnder jańbyrly bolady

Aýa raıy • Keshe

Ammanǵa attandy

Sport • Keshe

Qazanda kúsh synasýda

Sport • Keshe

Shet eldegi qazaq generaldary

Qazaqstan • Keshe

Qadir túniniń qasıeti

Rýhanııat • Keshe

Erlik pen patrıotızm mektebi

Qazaqstan • Keshe

Uqsas jańalyqtar