Kezdesý barysynda Sátbaev ýnıversıtetiniń rektory Iskander Beısembetov pen Schlumberger kompanııasynyń Qazaqstan Respýblıkasyndaǵy aımaqtyq dırektory Rob Foks jetekshi tehnıkalyq kompanııalar arasyndaǵy yntymaqtastyqtyń, ásirese, Qazaqstan Respýblıkasyndaǵy tehnıkalyq ýnıversıtet pen munaı óndirý salasyndaǵy jetekshi halyqaralyq kompanııa arasyndaǵy yntymaqtastyq qarym-qatynastyń mańyzdylyǵyn atap ótip, munaı-gaz jáne taý-ken kompanııalary úshin ǵylymı-zertteý jáne tájirıbelik-konstrýktorlyq jumystar (ǴZTKJ) salasyndaǵy yntymaqtastyqty keńeıtý nıeti týraly kelisimge qol qoıdy.
Qazirgi ýaqytta Sátbaev Ýnıversıteti men Qazaqstan Respýblıkasyndaǵy Schlumberger kompanııasy Qaraǵandy kómir basseıninde metan barlaý jáne óndirý salasyndaǵy ǵylymı jobalardy birlesip júzege asyrýda tabysty túrde yntymaqtastyq qarym-qatynas jasap keledi. Osy joba aıasynda kompanııa ýnıversıtetke mamandandyrylǵan Petrel*, ECLIPSE*, Techlog* baǵdarlamalyq ázirlemelerdi paıdalaný quqyǵyn berdi: bul geologııa jáne ken oryndaryn ıgerý salasyndaǵy mamandar úshin munaı-gaz ken oryndaryn jobalaý jáne ońtaılandyrý prosesin jeńildetedi.
Eki jetekshi kompanııanyń ózara yntymaqtastyǵy munaı-gaz geologııasy men geofızıkasy salasyndaǵy ınnovasııalyq ıdeıalardy iske asyrýǵa jáne ǴZTKJ-ny jańa deńgeıge kóterýge múmkindik beredi.
