Oqytýshylardy kásibı damytý jáne úzdiksiz kásibı damýyn derbestendirý, baǵdarlaý men úzdiksiz bilim alý boıynsha biliktilikti arttyrýdy kózdeıtin semınar-trenıngke "О́rleý" BAUO" AQ fılıaly Almaty qalasy boıynsha PQ BAI qyzmetkerleri men 70-ten asa qazaq tili jáne qazaq ádebıeti pániniń muǵalimderi qatysty. Semınarda bilim salasyndaǵy kóshbasshylyq pen menedjment magıstri, fılologııa ǵylymdarynyń kandıdaty Edilbaı Ospanov "Akademııalyq jazylym: esse jáne onyń túrleri" taqyrybynda akademııalyq mátin retinde esseniń ózge jazba jumystarynan aıyrmashylyqtaryn egjeı-tegjeıli túsindirip, esseniń túrlerine jáne olardyń jazylý qurylymdaryna mysaldar men úlgiler arqyly taldaý jasady. Abylaı han atyndaǵy QazHQjÁTÝ, Qazaq fılologııasy kafedrasynyń dosenti, f.ǵ.k. Gúlhadısha Zaýyrbekova "Qazaq tilin oqytý ádistemesindegi aýdarma tehnıkasy" taqyrybynda dáris oqyp, semınarǵa qatysýshylardyń suraqtaryna jaýap berdi. Semınar trenıngtiń úshinshi kúni Abaı atyndaǵy QazUPÝ S.Qırabaev atyndaǵy qazaq tili men ádebıeti kafedrasynyń aǵa oqytýshysy, PhD doktory Gúlnaz Toqshylyqova "Ádebı tek jáne onyń túrleri", "Ádebı teorııalyq uǵymdardy oqytý joldary", "Ádebı obraz túrleri jáne onyń jasalý joldary" taqyryptary týraly tanystyrdy. Sonymen qatar, PhD doktorant, Ýorık ýnıversıtetinen Muhtarova Anar "Bilim berýdegi zertteý ádisteri" taqyrybynda dáris oqyp, bilim berýdegi zertteý ádisteri týraly túsinikti damytýǵa baǵyttalǵan dáris barysynda oqý úderisin zertteýdegi sapalyq jáne sandyq ádisterimen qosa aralas zertteý ádisteri týraly mol aqpart berildi. Anar Nurdildáqyzy zertteý jobasyndaǵy zertteý dızaıny bólimine toqtalyp, túrli mysaldar keltirip, óz tájirıbesimen bólisti.
Semınarǵa qatysýshylar sheteldik jáne otandyq ǵalymdar men praktık muǵalimder dáris oqıtyn 80 saǵattyq semınar jumysynyń mazmundy, ári muǵalimderge asa qajet tájirıbege baı ekendigin atap ótti. Almaty qalasy, № 8 gımnazııanyń muǵalimi, f.ǵ.k. Abıkeeva Baqytjan "Stıldik erekshelikterdi anyqtaý. Ártúrli stılde mátinder qurastyrý" taqyrybynda hat, habarlama, jarnama mazmunyn túsiný, stıldik ereksheligin anyqtaý, resmı stıldegi mátinderdiń stıldik ereksheligin anyqtaý, ǵylymı stılde jazylǵan eńbekterdiń tildik jáne janrlyq ereksheligin anyqtaý máselelerine toqtaldy. Semınar sońynda tyńdaýshylarǵa Sertıfıkattar beriledi.
