Ulttyq jańǵyrý boıynsha jol kartasy ázirlenýde

Aqparat jáne qoǵamdyq damý vıse-mınıstri Bolat Tlepov ob­lystyq «Rýhanı jańǵyrý» joba­lyq keńsesi qyzmetkerlerimen kezdesýde osylaı dedi. Túrkistan oblysyna jumys sapary barysynda Bolat Tlepov oblys ákiminiń orynbasary Sáken Qalqamanovpen birge Túrkistandaǵy «Kongress-Holl», «Alataý medıa» jáne «Sapar» or­talyqtaryn aralap kórip, ju­mys­tarymen tanys­ty. Munan soń vıse-mınıstr Qoja Ahmet Iаssaýı atyndaǵy Qazaq-Túrik ýnı­versı­tetiniń kitaphanasynda boldy, sonda ornalasqan oblystyq «Rýhanı jańǵyrý» jobalyq keńse­siniń ju­mysymen de tanysyp shyqty.

О́ńirde bıyl «Týǵan jer» arnaıy jobasy aıasynda mesenattar tarapynan 2 mlrd teńgeden asa qarjyǵa 75 nysan halyq ıgiligine berilgen. Sonymen qatar «Túrkiler tóri Túrkistan» at­ty halyqaralyq onlaın-konferen­sııa, «Rýhanı jańǵyrý: Túrkistan dáristeri» atty oblystyq deńgeıde kez­desýler uıymdastyrylǵan. Jal­py, jyl basynan beri «Rýhanı jań­ǵyrý» baǵdarlamasy aıasynda oblysta 821 is-shara ótip, 100 myńǵa jýyq adam qamtylǵan. Is-sharalardyń basym bóligi onlaın formatynda, chellendj, baıqaý, kezdesýler túrinde uıymdastyrylýda. Jyl boıǵy at­qa­rylǵan jumystar týraly vıse-mınıstrge oblystyq «Rýhanı jań­ǵyrý» jobalyq keńsesiniń basshysy Aıdar Seıdázim jan-jaqty baıan­dap berdi. Elbasy Nursultan Nazarbaevtyń «Bolashaqqa baǵdar: rýhanı jańǵyrý» atty maqalasyndaǵy negizgi baǵyttardyń biri – «Jańa gýmanıtarlyq bilim. Qazaq tilindegi 100 jańa oqýlyq» arnaıy jobasy. Atalǵan baǵyt aıasynda oblysta bıyl 46 is-shara uıymdastyrylyp, oǵan 6 myńǵa jýyq adam qatysqan. О́ńirdegi barlyq bilim berý mekemelerinde joba týraly jan-jaqty túsindirilip, synyp, tárbıe jáne túrli ashyq sabaqtar ótkizilýde. Barlyq kitaphanalar ar­naıy shyǵarylǵan kitaptarmen qam­tylýda. Bolat Anapııauly atqa­rylǵan jumystarǵa oń baǵasyn berip, keńse qyzmetkerlerimen ózara pikir almas­ty. Baǵdarlamanyń basym baǵyttary boıynsha jumysty odan ári jandandyrý jóninde jańa bastamalardy tanystyrdy. Sondaı-aq vıse-mınıstr birqatar úkimettik emes uıym basshylarymen kezdesip, alda atqarylatyn joba-josparlar jóninde pikir almas­ty. Kezdesý barysynda úkimettik emes uıymdardyń jumysyn jandandyrý, jobalardy qarjylandyrý, júıeleý baǵytynda qolǵa alynǵaly otyrǵan bastamalar jóninde baıandaldy.

Ońtústik óńirge saparynda vıse-mınıstr aldymen Shymkent qa­lasynda «Rýhanı jańǵyrý» óńirlik jobalyq keńsesiniń qyzmetkerlerimen kezdesý ótkizgen bolatyn. Kezdesý barysynda vıse-mınıstr baǵdarlamany Ulttyq jańǵyrý kezeńine kóshirý boıynsha jol kartasyn ázirleýdegi josparlardy aıtyp ótti. Jol kar­tasy aıasynda memlekettik til márte­besin arttyrý, joǵary ulttyq jáne jal­pyadamzattyq qundylyqtar ne­gizinde rýhanı-adamgershilik jáne patrıottyq tárbıe berý, eńbek adamyn qalyptastyrý, aýyldy jandandyrý syndy keshendi is-sharalar qamtylatyn bolady. Sondaı-aq úshin­shi megapolıste «Saq» kınostýdııa­sy qyzmetimen tanysqan Bolat Tlepov sapaly anımasııalyq fılmder shyǵarý boıynsha atqaryp jat­qan jumystar jáne óskeleń urpaqtyń damýyna qosqan baǵa jetpes úlesi úshin alǵysyn bildirdi. Aıta ketelik, «Saq» kınostýdııasy bıyl «Rýhanı jańǵyrý» baǵdarlamasy aıasynda Shymkent qalasy ákimdiginiń qol­daýymen, «Qazaqstan» ulttyq tele­arnasynyń tapsyrysy boıyn­sha, Uly dalanyń uly tulǵasy, ǵulama Ábý Nasyr Ál-Farabıdiń 1150 jyl­dyǵyna arnalǵan «Ál-Farabı» kópserııaly tarıhı fılmin túsirýdi aıaqtady.

Sonymen qatar vıse-mınıstr Shym­kent qalasynyń damý tarıhyn beıneleıtin «Sıtadel» aýma­ǵyn aralady. Eski qalany jań­ǵyr­tý boıynsha qazba, restavrasııa­laý jumystarynyń birinshi kezeńi aıaq­talǵan, endi kelesi jyly «Sıtadel» aýmaǵynda ashyq aspan as­tyndaǵy mýzeı jáne amfı­teatrdyń ashylýy josparlanyp otyr. «Sı­tadel» bo­lashaqta Shymkenttiń negizgi týrıstik ortalyǵyna aınal­maq.

Shymkent – Túrkistan