Keshe oblysqa bir kúndik jumys saparymen elimiz Premer-Mınıstriniń birinshi orynbasary Baqytjan Saǵyntaev keldi.
Keshe oblysqa bir kúndik jumys saparymen elimiz Premer-Mınıstriniń birinshi orynbasary Baqytjan Saǵyntaev keldi.
Baqytjan Saǵyntaev jumys saparyn Ekibastuzdaǵy óndiris oryndaryn aralaýdan bastady. Aldymen «Orıka Qazaqstan» AQ-ta boldy. Bul óndiris oshaǵy óndiriske qajet jarylǵysh zattardy, ıaǵnı emýlsııalyq matrısa óndiredi. Jalpy jobalyq qýaty jylyna 21 tonna. Bıylǵy jyly 10 myń 500 tonnanyń ónimin shyǵarǵan kásiporyn 2015 jyly óńir Bozshakól taý ken baıytý kombınaty iske qosylǵan kezde tolyq qýatyna shyǵa alady. Qazir «Orıkanyń» ónimderin «Bogatyr-Kómir», «Shyǵys», «Maıkóbe» kómir kenishteri paıdalanýda.
Bul zaýyttyń ashylýy qazirgi zamanǵy tehnologııalardy paıdalanyp ónim kólemin arttyrýǵa, ınnovasııany tereńirek ıgerýge, jarylys kezinde qorshaǵan ortaǵa tıgizetin zııan kólemin azaıtýǵa, tasymaldaý, qýattaý kezinde jarylǵysh zattardyń qaýipsizdigi men saqtalý sapasyn arttyrýǵa múmkindik beredi.
Budan keıin birinshi vıse-premer Baqytjan Saǵyntaev ÚIID baǵdarlamasy boıynsha iske asyp jatqan «Prommashkomplekt»» JShS-da boldy. Bul seriktestik temirjol dońǵalaqtaryn jasap shyǵarady. О́tken jyly birinshi kezeńi iske qosylǵan jobaǵa tartylǵan qarjy 9,5 mlrd. teńge. Kásiporynnyń jyldyq jobalyq qýattylyǵy – 1 myń baǵyttamaly burma, 1 myń aıqastyrma, 48 myń dóńgelekti keshendi jóndeý jáne óńdeý. Zaýyt ónimi Tájikstan, Qyrǵyzstan men О́zbekstanǵa eksporttalýda. О́ndiris ornynda ozyq tehnologııalar men qurylǵylar qoldanylady. Olar Italııa, Germanııa, Reseı, Ýkraınadan ákelingen. Búginde óndiris ornynda 469 jumysshy eńbek etýde.
Baqytjan Saǵyntaev byltyr ashylǵan Elbasynyń tikeleı tapsyrmasy boıynsha bıznestiń áleýmettik jaýapkershiligi sheńberinde júzege asqan mýzykalyq mektepte bilim alyp jatqan balalarmen de kezdesti.
Kelesi kezekte oblys ortalyǵyndaǵy «Munaı hımııa zaýyty» AQ-qa baryp, aldaǵy jyldarǵa arnalǵan zaýytty jańǵyrtý jumysymen tanysty. Zaýyt rýmyndyq «SR Rominserv SRL» kompanııasymen birlesip qurylys-montaj jumystary óndirisin qurý jónindegi kelisimge qol qoıǵan. Bul kelisim iske asyrylý ústinde.
Birinshi vıse-premer «Pavlodar» arnaıy ekonomıkalyq aımaǵynda boldy. Aımaqta qazir 2 zaýyt salynyp, taǵy segiz jobany iske qosý jumystary júrgizilýde. Munda Baqytjan Saǵyntaev «ÝPNK-PV» JShS munaıly koks óndiretin zaýyt qurylysymen tanysty. Mundaǵy munaıly koks otandyq shıkizatty qoldaný arqyly alynady. Al, bul joba iske asyrylǵannan keıin elimizdiń qalaıy óndirý salasy alǵa basary sózsiz.
Jumys saparynyń sońynda elimizdiń Premer-Mınıstriniń birinshi orynbasary «Pavlodar» erkin ekonomıkalyq aımaǵyn damytý boıynsha keńes ótkizdi. Keńes qorytyndysynda oblys ákimdigine arnaıy ekonomıkalyq aımaqtyń jobasyn iske asyrý boıynsha jumysty jandandyrýdy jáne belgilengen merzimde kásiporyndy iske qosý úshin barlyq sharalardy qolǵa alýdy tapsyrdy. Kásipkerlikti qoldaý sharalaryn kúsheıtýdi, oblystaǵy damý jáne qarjy ınstıtýttary qyzmetin jandandyrýdy mindettedi.
Farıda Byqaı,
«Egemen Qazaqstan».
Pavlodar oblysy.
