Zań jobasyn QR Memlekettik qyzmet isteri agenttiginiń tóraıymy Anar Jaıylǵanova oqydy.
"Zań jobasy Memleket basshysynyń jaýapty hatshylar ınstıtýtyn taratý týraly tapsyrmasyn iske asyrý maqsatynda ázirlendi. Qazirgi ýaqytta jaýapty hatshylardy Prezıdent taǵaıyndaıdy. Olar tıisinshe joǵary mártebege ıe. Osy túzetýler qabyldanǵannan keıin olardyń mindetteri apparat basshylaryna júkteledi. Apparat basshylaryn mınıstrler taǵaıyndaıdy, olarǵa esep berýge mindetteledi", dedi Anar Jaıylǵanova Parlament Májilisiniń otyrysynda.
Onyń aıtýynsha osyǵan baılanysty "QR Úkimeti týraly" konstıtýsııalyq zańynan jaýapty hatshylardyń mártebesi men ókilettigin retteıtin normalardy alyp tastaý jáne olardy "Memlekettik qyzmet týraly" zańda apparat basshylaryna bekitý usynylady. Zań jobasy talqylanǵannan keıin depýtattar bdaýys berip, onyń qorytyndysy boıynsha zań jobasy birinshi oqylymda maquldandy.
