Sonymen, reıd kezinde polısııa monıtorıng toby quramynda 70-ke jýyq kelýshiler demalyp jatqan Zoloto meıramhanasyn anyqtady. Klıentter áleýmettik qashyqtyq pen sanıtarlyq-epıdemıologııalyq normalardy saqtamaǵan.
«Iesi men kelýshiler tyıym salýdy elemeı, aınalasyndaǵy adamdardyń densaýlyǵyna qaýip tóndirdi. Jınalǵan materıal ákimshilik jaýapkershilikke tartý úshin taýarlar men qyzmetter sapasy men qaýipsizdigin baqylaý basqarmasyna jiberildi», - delingen polısııa departamentiniń habarlamasynda.
Sońǵy táýlikte mobıldi top 236 kásipkerlik nysanyn tekserip, karantındi buzýdyń bes faktisi anyqtaldy. Nur-Sultan polısııa departamenti mekeme ıeleri men kelýshilerdiń abaısyz áreketi ınfeksııanyń taralýyna ákelip soqtyratynyn eskertedi. Karantın rejımin buzýshylar qoldanystaǵy zańnamaǵa sáıkes jaýapqa tartylady.
