«Qazaqmys» mys balqytý zaýytynan mys pen kúmis urlaǵan qylmystyq top jazasyn aldy. Bul týraly «24 kz» habarlady.
Urylardyń tórteýi sol kásiporynnyń qyzmetkerleri bolyp shyqty. Qylmystyq toptyń quramynda jóndeýshi slesar men basqa jerden kelgen eki adam bar. Olar zaýyttan 15 mln.teńge turatyn 50 tonna mys konsentratyn urlaǵan eken. Al kelesi zaýyttyń úsh azamaty quny 85 mln. teńgelik 24 kúmis kesegin urlamaq bolǵan. Osy árketteri úshin olar jaýapqa tartyldy. «Qylmys jasaǵan úsheýdiń múlki tárkilenip, 5 jyl 3 aıǵa bas bostandyǵynan aıyrý jazasy taǵaıyndaldy. Qalǵandarynyń da múlki tárkilenip, 6 jylǵa bas bostandyǵynan aıryldy. Olar jazalaryn jalpy tártiptegi túzeý kolonııasynda óteıtin bolady»,-deıdi Qaraǵandy oblystyq sotynyń BAQ jáne qoǵammen baılanys boıynsha úılestirýshisi Raýshan Serǵazına.
Baqytbek Keneshuly.
Derekkóz: «24 kz»
