Aımaqtar • 20 Qarasha, 2020

Shymkentte aqparattyq strategııanyń mańyzdylyǵy jóninde konferensııa ótti

68 ret kórsetildi

Shymkent qalasy ákimdigi men Qazaqstan Jýrnalıster odaǵynyń Túrkistan oblystyq fılıalynyń uıymdastyrýymen "Infodemııanyń ekinshi tolqyny: Aldyn alý jáne jańa aqparattyq strategııa" atty onlaın konferensııasy ótti, dep habarlaıdy Egemen.kz

Konferensııaǵa Shymkentpen qatar, Nur-Sultan, Almaty qalalarynan jýrnalıster, blogerler jáne dárigerler qatysty.

Onlaın konferensııanyń ashylýynda sóz alǵan Shymkent qalasy ákiminiń birinshi orynbasary Shyńǵys Muqan qazirgi kezde álemdi alańdatqan koronavırýs indetine baılanysty halyqqa jedel aqparat berýdiń mańyzdylyǵyn aıtyp, biregeı platformalardyń jumysyna toqtaldy.

– Shymkentte koronavırýs týraly naqty aqparat taratatyn "covid19shymkent.kz" saıty jumys isteýde. Munda qala turǵyndary KVI boıynsha jedel statıstıkamen tanysa alady. Internet resýrsta aqparattar kún saıyn jańartylyp otyrady. Sonymen qatar onda aýrýdyń aldyn alý, onyń belgileri jáne saqtaný erejeleri týraly maǵlumat berilýde. Odan bólek, 1460 nómirli CALL-ortalyq iske qosyldy. Bul jerde bilikti mamandar bar. Iаǵnı, turǵyndar Covid-19 jaıly kez kelgen suraqtaryna jaýap alady. Biregeı platformalardy qosýǵa kóptegen jaıt sebep boldy. Máselen, epıdemıologııalyq ahýal órshigen kezde naýqastardy dári-dármekpen qamtamasyz etý, emdeý máselesinen bólek, jalǵan aqparatpen kúresý máselesi ózekti boldy. О́ıtkeni halyq kimge senerin bilmeı, dal bolǵany ras. Jalǵan aqparat ta koronavırýs sııaqty tez taraıdy ári zııandy. Osyndaı jaǵdaıda senimdi derekkózden der kezinde shynaıy aqparat taratylýy kerek. Búgingi biz talqylap otyrǵan taqyryp ta osyǵan saıady, – dedi Shyńǵys Jumabekuly.

Sondaı-aq konferensııa barysynda Qazaqstan Medıa alıansynyń basqarma tóraǵasy, QR Parlamenti Senatynyń depýtaty Nurtóre Júsip pandemııa kezinde BAQ ókilderiniń belsendi jumys istegenin atap ótti.

– Dárimen ýlanǵan adamdy dáriger emdeıdi, al aqparatpen ýlanǵan adamdy kim emdeıdi? Bul – mine, úlken másele. Osy oraıda, árıne, jýrnalıster qaýymy halyqty úreılendirmeı, qaýip-qaterdiń qanshalyqty ekenin dáleldi zertteýlermen ashyq ári túsinikti jetkizýi kerek, – dedi N.Júsip.

Jıynda QR Parlamenti Senatynyń depýtaty Aıgúl Qapbarova feık aqparattarǵa toıtarys berý, BAQ týraly zańnyń mańyzdylyǵy jáne saýatty spıkerlerdiń qataryn arttyrý jóninde sóz qozǵady.

– Pandemııa kezinde asa qaýipti jaǵdaıda qyzmet etken dárigerler men quqyq qorǵaý salasy qyzmetkerleriniń qatarynda BAQ ókilderi de boldy. Olar óz jumystaryn adal atqaryp shyqty dep oılaımyn. Qazirgi tańda Parlament Senatyna elimizdegi aqparat salasyn jetildirýge baǵyttalǵan Zań jobasy keldi. Oǵan sizder de oı qosyp, atsalyssańyzdar deımin. Búginde blogerlerdiń de dáıekti jazbalary qoǵamdy beıjaı qaldyrmaıtyn boldy. Olardyń mártebesin zerdeleı otyryp, naqtylasaq, blogerlerdiń quqyqtyq jaýapkershiligi artyp, zańmen qorǵalady, – dedi A.Qapbarova.

Qazaqstan Jýrnalıster odaǵy Túrkistan oblystyq fılıalynyń tóraǵasy Ǵalymjan Elshibaı álemdi koronavırýs indeti jaýlaǵan sátte BAQ ókilderine dárigerler men qarapaıym halyq arasyndaǵy aqparattyq baılanysty jandandyryp, kópshilikke medısınalyq termınderdiń jaı-japsaryn keńinen túsindirý kerektigine nazar aýdardy.

– Pandemııa kezinde senimdi habardy aýdıtorııaǵa jetkizý úshin jýrnalısterge de kúni-túni jumys isteýge týra keldi. Máselen, álemniń 53 elinde 500-ge jýyq jýrnalıst koronavırýstan kóz jumypty. Koronovırýstyń ekinshi tolqynynyń bastalýy ınfodemııanyń, ıaǵnı jalǵan, el arasynda úreı týdyratyn aqparattar epıdemııasynyń bastalatynyn bildiredi. Infodemııanyń basty qaýpi jurtshylyq jalǵan men shynaıy aqparattardy ajyrata almaı qalady. Mundaı jaǵdaıǵa túsken adam dárigerlerdiń keńesterine qulaq asýdy qoıady. Al bul bárinen de qaýipti, – dedi ol.

Konferensııa barysynda Qazaqstan Jýrnalıster odaǵynyń tóraǵasy Seıitqazy Mataev pen "BAQ KASIPODAQ" salalyq kásipodaǵynyń tóraǵasy Zeıin Álipbek áleýmettik jelilerde jalǵan aqparattarǵa jol bermes úshin saraptamalyq-taldamalyq maqalalarǵa basymdyq berilýi qajettigin atap ótti.

Sondaı-aq taqyryp aıasynda sóz qozǵaǵan Qazaqstan Jýrnalıster Odaǵy Shymkent qalalyq fılıalynyń tóraǵasy Ýálı Qydyr, "Temirqazyq-Oı" gazetiniń bas redaktory Anarkúl Súleeva, "Dıagnoz" gazetiniń bas redaktory Asylbek Dosaly jáne "Medıaon" aqparattyq portalynyń jetekshisi Malıka Abdalıeva qaýipti indetten saqtaný boıynsha ózderiniń usynys-pikirlerin ortaǵa saldy.

Jıyn barysynda qatysýshylar tarapynan salalyq jýrnalıstıkany damytý máselesi de kóterildi. Osy oraıda qatysýshylardy tyńdaǵan Shymkent qalasy ákiminiń birinshi orynbasary Shyńǵys Muqan bul ózekti máseleni birlese sheshýge daıyn ekendikterin jetkizdi.

Sońǵy jańalyqtar

Pavlodarda jer astynan sý atqylady

Aımaqtar • Búgin, 14:25

12 tamyzǵa arnalǵan aýa raıy boljamy

Aýa raıy • Búgin, 10:30

Birqatar óńirde aýa sapasy nasharlady

Ekologııa • Búgin, 09:45

2186 adam koronavırýstan jazylyp shyqty

Koronavırýs • Búgin, 09:30

Baqytjan Saǵyntaev jańa qyzmetke saılandy

Taǵaıyndaý • Búgin, 09:22

Elorda «jasyl» aımaqqa ótti

Koronavırýs • Búgin, 09:13

Bir kúnde 1643 adamnan koronavırýs anyqtaldy

Koronavırýs • Búgin, 09:00

1/16 fınalǵa shyǵa almady

Tennıs • Búgin, 08:45

Uqsas jańalyqtar