Sport • 23 Qarasha, 2020

Erkin kúresten el chempıondary anyqtaldy

79 ret kórsetildi

Almatyda erkin kúresten Qazaqstan chempıonaty aıaqtaldy. «Dostyq» sport kesheninde ótken jarys sensasııaǵa toly boldy. Olaı deýge negiz, buǵan deıin elishilik jarystarda únemi tuǵyrdan túspeı, halyqaralyq dodalarda júlde alyp júrgen balýandardyń birazy bul joly ózderiniń jyly oryndaryn jalyndy jastarǵa bosatty. 

Jarystyń alǵashqy kúni úsh salmaq dárejesi boıynsha beldesýler ótti. Jankúıerler 61 kılo salmaqtyń bas júldesi úshin tartys qos qurdas – aqtóbelik Nurıslam Sanaev pen óskemendik Rasýl Qalıev arasynda órbıdi dep boljady. Ekeýiniń de jasy 29-da. Alaıda álem chempıonatynyń eki dúrkin júldegeri, Azııa chempıony degen dardaı ataǵy bar dúldúl alǵashqy aınalymdarda oıda-joqta esimi kópshilikke beımálim Shyǵys Qazaqstan oblysynyń taǵy bir ókili Muhtar Seıitovten utyldy. Al sary qurlyqta qarsylas shaq keltirmeı, Azııa oıyndarynda kúmis medaldi moınyna ilgen Rasýl Qalıev jartylaı fınalda Adlan Asqarovqa jol berdi.

Aqtyq synda atyraýlyq Salamat Málikovke san soqtyrǵan Adlan Asqarov el chempıony atandy. Endi osy aıqyn jeńisten keıin Almaty oblysynan kelgen sportshynyń ár qadamyn qyraǵy mamandardyń jiti qadaǵalaıtyny anyq. Sebebi, buǵan deıin ol jasóspirimder men jastar arasyndaǵy jáne 23 jasqa deıingi balýandar arasyndaǵy álem birinshilikterinde júlde aldy. Biraqtar halyqaralyq jarystarda olja saldy. Mine, endi jasy 20-dan endi ǵana asqan Adlan eresekter dýynda qarsylas shaq keltirmedi. Qola medal Rasýl Qalıev pen qaraǵandylyq Azat Ogannısıannyń qorjynynda.

57 kılo salmaq dárejesindegi barlyq balýandardyń deńgeıleri birdeı boldy. Jarys qarsańynda dýaly aýyz mamandardyń ózderi eshkimdi bóle-jara ataı almady. Desek te kúrestiń erejesi boıynsha jekpe-jekte bir ǵana jeńimpaz bolýǵa tıis. Bul joly aqmolalyq Dáýlet Temirjanov dara shyqty. Fınalda qandasymyz qaraǵandylyq Javohır Irıstaevty jeńdi. Shymkenttik Ǵabıt Tólepbaı men jambyldyq Rahat Qaljan qola medaldardy ıelendi.

86 kılo salmaqta shyǵysqazaqstandyq Azamat Dáýletbekov pen almatylyq Ádilet Daýlynbaevtyń ózara tartysyn kópshilik taǵatsyzdana kútti. Ekeýi de talaı dúbirli dodalarda ábden ysylǵan ákki balýandar. Barlyq qarsylastaryn sypyra utqan Azamat aqtyq synǵa alqynbaı jetti. Al Ádilet jartylaı fınalda taldyqorǵandyq Esqalı Dáýletqazynyń osal tusyn taba almady. Fınalda Dáýletbekov pen Dáýletqazy kúresti. Bul básekede Azamattyń asyǵy alshysynan tústi. Ádilet pen mańǵystaýlyq Nurdáýlet Kókteýbaev úshinshi orynǵa taban tiredi.

El chempıonatynyń ekinshi kúni 65 kılo salmaq dárejesindegi beldesýler óte shıelenisti ótti. Kileń kókjaldar arasynan qyzylordalyq Dáýlet Nııazbekov pen qaraǵandylyq Ádil Ospanov sýyrylyp shyqty. Bul básekede Syr boıy sańlaǵynyń jeńetinine eshkimniń kúmáni bolmady. О́ıtkeni, Dáýlettiń álem chempıonatynyń kúmis jáne qola júldegeri, Azııanyń úsh dúrkin chempıony degen ataqtary bar. Iá, Ádil ondaı jetistigimen maqtana almaıdy. Aıtqandaı-aq, fınaldyq saıys Nııazbekovtiń aıqyn basymdyǵyn aıaqtaldy. Sóıtip, Dáýlet Qazaqstan chempıonatynda segizinshi márte top jardy. Jambyldyq Nursultan Sadyq pen  shyǵysqazaqstandyq Oljas Oljaqanov úshinshi satyǵa jaıǵasty.

14141

70 kılo salmaq dárejesinde bas júlde úshin tartys shymkenttik Nurjan Seıitjan men atyraýlyq Syrbaz Talǵat arasynda ótti. Bul básekede Atyraýdan kelgen balýannyń ústemdigi esh kúmán týǵyzǵan joq. Qarsylasyn 10:0 esebimen aıqyn utqan ol el chempıony atandy. Soltústik Qazaqstan oblysynyń ókili Sultan Beıisov pen taldyqorǵandyq Erlan Táńirbergenov qola medaldi qorjyndaryna saldy. Rasyda da osy erkin kúres sheberleriniń jeńis tuǵyryna kóterilýi kópshilikti tańdandyrdy. Al Saıatbek Oqasov, Amandyq Bakeev, Meıirjan Áshirov, Azamat Shaǵapuly syndy tanymal sportshylar qalyń toptyń arasynda qalyń qoıdy.

97 kılo salmaqta Álisher Erǵalıǵa teń keler eshkim tabylmady. Jasóspirimder men jastar arasyndaǵy álem birinshilikterinde júldegerler qatarynan kóringen Jambyl oblysynyń ókili byltyr eresekterdiń Azııa chempıonatynda kúmis medal alyp, óz jankúıerlerin bir qýantqan edi. Ile-shala Sıolkovskııdiń memorıalynda bas júldeni qanjyǵasyna baılady. Kúzde Nur-Sultanda uıymdastyrylǵan álem chempıonatynda besinshi orynǵa taban tiredi. Mine, endi Álisher Qazaqstan chempıonatynda qarsylas shaq keltirmedi. Jasy 20-dan endi ǵana asqan balýan úshin bul tamasha nátıje ekeni sózsiz.

pavp

74 kılo salmaqtyń negizgi favorıtteri úsheý edi. Olar – Nurlan Bekjanov, Nurqoja Qaıpanov jáne Danııar Qaısanov. Barlyǵy da álem chempıonatynyń júldegeri atanǵan apaıtóster. Nurlan bul ataqqa 2016 jyly Býdapeshte qol jetkizdi. 2019 jyly Nur-Sultanda ótken dodada Nurqoja kúmis alsa, Danııar qola medaldi moınyna ildi. Biraq ol kezde Qaıpanov 70 kılo salmaqta kúresken edi. Odan bólek, esimderi atalǵan órenderdiń barlyǵy da qurlyqtyq deńgeıdegi jarystarda jasyndaı jarqyrady. Biraq alǵashqy aınalymnan keıin Qaısanov jarysty jalǵastyrýdan bas tartty. Sebebi, birneshe kún boıy onyń beli aýyryp, qatty mazasyzdanǵan eken. Sodan jaraqatyn asqyndyryp almaıyn dep, osyndaı sheshim qabyldady. Bul jaǵdaıdy Nurqoja Qaıpanov utymdy paıdalandy. Qarsylastarynyń barlyǵyn qapy qaldyrǵan Soltústik Kazaqstan oblysynyń ókili fınalda qyzylordalyq Qanat Musabekovti utyp, altyn túǵyrǵa kóterildi. Nur-Sultandyq Nurlan Bekjanov pen almatylyq Darhan Esenǵalı úshinshi satylarǵa jaıǵasty.

79 kılo salmaqtyń favorıti 32 jastaǵy Ǵalymjan Úserbaevti tuǵyrdan taıdyrý úshin jalyndy jastar baryn saldy. Alaıda Olımpııa oıyndary men álem chempıonatynda besinshi orynǵa taban tirep, birqatar halyqaralyq dodalarda júldegerler sanatyna qosylǵan Syr boıynyń sańlaǵy eshkimge ondaı múmkindik bermedi. Qarsy kelgenderin alyp ta, shalyp ta jyqty. Fınalda taldyqorǵandyq Rústem Myrzaǵalıevtan mereıi ústem bolǵan Ǵalymjan besinshi márte chempıondyq ataqty ıelendi. Aqtóbelik Aıdar Baldanbaev pen pen atyraýlyq Bolat Sakaev qola medaldardy enshiledi.

92 kılo salmaq dárejesinde mańǵystaýlyq Elhan Asadovtyń asyǵy alshysynan tústi. Fınalda ol Nur-Sultannyń balýany Eraly Abdrashevten aılasyn asyrdy. Úshinshi orynda – óskemendik Shámıl Magamadov pen elordalyq Nurǵalı Nurǵaıypuly.  

ttpr

125 kılo salmaqta pavlodarlyq Dáýlet Shabanbaı, shyǵysqazaqstandyq Oleg Boltın, qaraǵandylyq Ermuhambet Ińkár jáne aqtóbelik Iýsýp Batyrmurzaev syndy alyptar boldy. Olardyń barlyǵy da asa iri halyqaralyq jarystarda júlde alyp júrgen dúldúlder. Solardyń arasynan Dáýlet pen Oleg ozyp shyqty. 37 jastaǵy Shabanbaıdyń kezinde Olımpıadada qola medaldi ıelenip, Azııa oıyndarynda bir ret jáne qurlyq birinshiliginde bes ret júldegerler sanatynan kóringenin jankúıerler jaqsy biledi. Boltın odan on jas kishi. Bul tartys jas jolbarystyń paıdasyna sheshildi. Nátıjesinde Oleg Boltın – altyn, Dáýlet Shabanbaı – kúmis, al Iýsýp Batyrmurzaev pen túrkistandyq Baqdáýlet О́serbaı – qola medaldardy moıyndaryna ildi.

Sońǵy jańalyqtar

Qudyqqa qulaǵan qunandy qutqaryp qaldy

Aımaqtar • Búgin, 13:38

Arysta joǵalǵan bir úıir jylqy tabyldy

Aımaqtar • Búgin, 13:25

2020 jyly 936 myńnan astam adam AÁK aldy

Qazaqstan • Búgin, 12:47

Dollar qymbattady

Ekonomıka • Búgin, 11:35

Qazaqstanda elektr energııasy qymbattady

Qazaqstan • Búgin, 10:21

Qyrǵyzstanda eks-premer ustaldy

Álem • Búgin, 09:53

Pnevmonııadan 1 adam qaıtys boldy

Koronavırýs • Búgin, 09:22

Sartaı batyrdyń ashamaıy

Rýhanııat • Búgin, 08:07

«Bestikke» engen óńirdegi betburys

Aımaqtar • Búgin, 07:58

Qoǵammen baılanys qoldaý tapty

Qoǵam • Búgin, 07:56

Ekpe saldyrý – óz erkińizde

Medısına • Búgin, 07:54

Tarıh ǵylymynyń kóshbasshysy

Oqıǵa • Búgin, 07:54

Munaıly óńirge – myń doza

Medısına • Búgin, 07:52

Qyzylsha men qamys – óńdegenge tabys

Ekonomıka • Búgin, 07:41

Máskeý festıvaline barǵanda...

Tanym • Búgin, 07:40

DSU: О́tpeli kezeń aıaqtaldy

Ekonomıka • Búgin, 07:37

Áke jolyn jalǵar ul

Aımaqtar • Búgin, 07:35

Uqsas jańalyqtar