О́ńirdegi epıdemıologııalyq ahýal baıandalǵan kezekti aptalyq apparat otyrysynda sońǵy kórsetkishter ortaǵa salyndy. Kórsetkishter kóńil kónshitpeıdi, osyǵan oraı barlyq aýdan, qala ákimderi qatań synǵa ushyrady. Eldegi epıdemıologııalyq ahýaldy bile tura, sanıtarlyq talaptardyń saqtalýyn baqylaý maqsatynda tynymsyz júrgizilip kele jatqan tekserýlerdi elemegenderge jaza, jaýapty basshylarǵa shara qoldanylmaq.
«Toı-tomalaq barlyq aýdandarda bar. Epıdemııalyq jaǵdaıdyń qanshalyqty kúrdeli ekenin bile tura, toı jasaıtyndardy toqtatý kerek. Toıǵa jan-jaqtan tamyr-tanys jınalady. Buǵan tosqaýyl qoıylmasa, qalǵan tirliktiń bári beker. Tez arada tıisti shara qoldanylsyn», dedi oblys ákimi О́mirzaq Shókeev.
Sońǵy 5 aıda oblys boıynsha jasaqtalǵan 119 mobıldi top quramy jáne aýmaqtyq polısııa basqarmalary qyzmetkerleri tarapynan 36765 nysan tekserilip, 5 194 karantın rejımi talaptarynyń buzýshylyqtary anyqtalǵan.
