Oblys ortalyǵynan oryn tepken erekshe kompozısııa jer shary túrinde jasalǵan. Al, onyń aınalasynda dárigerler, polısııa qyzmetkerleri, eriktiler, qutqarýshylar jáne áskerıler sııaqty túrli mamandyq ıeleriniń beıneleri ornatylǵan. Eskertkishtiń joǵarǵy jaǵynda elimizdegi beıbitshilik pen kelisim qundylyǵyn beıneleıtin qarlyǵashtarmen qorshalǵan shańyraq ornalasqan. Monýmenttiń ashylý saltanatyna Jambyl oblysynyń ákimi Berdibek Saparbaev arnaıy qatysty.
«Asharshylyq, soǵys jáne qýǵyn-súrgin kezinde ata-babalarymyz túrli ult ókilderine qushaq ashyp, qolushyn sozdy. Sondaǵy halyqtyń birligi qıyn kezeńderdi ótkerýge kómektesti. Bıylǵy jyl bárimiz úshin aýyr boldy. Bul kezeńde de halqymyz óziniń eń jaqsy qasıetteri – birlik pen yntymaǵynan taıǵan joq. Osy eskertkishte kórinis tapqan mamandyq ıeleriniń kúshimen biz jaǵdaıdy turaqtandyra aldyq. Bul ásirese óz densaýlyǵyna tóngen qaýipke qaramaı kúndiz-túni jumys istegen dárigerlerge qatysty. О́kinishke qaraı, biz olardyń keıbirinen aıyrylyp qaldyq. Sondaı-aq, muqtaj jandarǵa kómektesip júrgen eriktiler týraly da aıryqsha atap ótkim keledi. Osyndaı jastarymyz bar kezde, biz erteńgi kúnge senimmen qaraı alamyz», dedi Berdibek Saparbaev. Sondaı-aq, ol «Biz birgemiz» monýmentiniń ornalasqan jeriniń tańdalýy da tegin emes ekenin, jaqynda eskertkishtiń janynan birneshe medısınalyq mekemelerdiń boı kóteretinin atap ótti. Sonymen qatar, monýmenttiń ózi Taraz qalasynyń kórikti jerleriniń birine jáne shahar turǵyndarynyń súıikti demalys ornyna aınalatynyn jetkizdi. О́z sózinde oblystyq «Jas Otan» jastar qanatynyń tóraǵasy Ýálıhan Bolatbek pandemııa adamdardyń bir-birine kómektesý jolyndaǵy berik birligin kórsetkenin aıtty. «Biz, volonterlar, oblys jastary osyndaı syn sátte shette qala almadyq. Kásipkerlerdiń qoldaýymen muqtaj jandarǵa azyq-túlik, dári-dármekter jetkizdik. Biz ol úshin eshkimnen eshqandaı qaıyrym kútpeımiz. Jalǵyz ǵana «Rahmet» degen qarapaıym sóz bizdi shabyttandyrady», dedi ol.
Erlik pen eldiktiń shejiresindeı bolǵan «Biz birgemiz» monýmentin Taraz turǵyndary da qyzyǵa tamashalaýda. Oblys ortalyǵynda ornalasqan erekshe eskertkish erlik pen eńbektiń jyryn bolashaqqa qaraı jalǵap turatyn altyn kópir bolyp qala bermek.
