Kitapty nasıhattaý, kitap oqýǵa degen qyzyǵýshylyqty qoldaý, qoǵamnyń ıntellektýaldy áleýeti men mádenı qundylyqtaryn arttyrý, óskeleń urpaqtyń rýhanı-adamgershilik bilimin arttyrý, balalardyń, jastardyń kórkem ádebıetke degen qushtarlyǵyn oıatý maqsatyndaǵy is-sharanyń basty ereksheligi - zaman aǵymy qanshalyqty alǵa bassa da kitap oqý dástúri artta qalmaıtynyn jetkizý. Qaladaǵy "Kórme" ortalyǵynda bir aptaǵa jalǵasatyn festıval barysynda Nur-Sultan, Almaty, Qaraǵandy, Shymkent qalalarynyń baspa úıleri, kitap dúkenderi, kitaphanalary oqyrmanmen ashyq dıalog quryp, pikirlesý alańshasynda kezdesýler ótkizbek.
Ishki saıasat jáne jastar isteri jónindegi basqarma basshysy Janar Bektaevanyń aıtýynsha, festıvalge kelýshi ár oqyrman baspa úılerinen jáne dúkenderinen alǵan kitaptarynyń birin arnaıy ashylǵan «Balalarǵa bazarlyq» qaıyrymdylyq buryshyna qaldyra alady. Onda jınalatyn kitaptar festıval qorytyndysynda qalamyzdyń az qamtylǵan jáne turmysy tómen, kópbalaly otbasylarynyń balalaryna eriktiler kómegimen taratylmaq.
