Prezıdent • 02 Jeltoqsan, 2020

Prezıdent: Qazaqstan ashyq ári ádiletti saılaý ótkizýge daıyn

40 ret kórsetildi

Reseı Federasııasynyń tóraǵalyǵymen vıdeokonferensııa formatynda ótip jatqan Ujymdyq qaýipsizdik keńesiniń sessııasynda Memleket basshysy Qasym-Jomart Toqaev ashyq ári ádiletti saılaý ótetinin málimdedi, dep habarlaıdy Egemen.kz

"COVID-19 pandemııasy álemdik saıasat pen ekonomıkany shatqaıaqtatyp jiberdi. Jaǵdaıdy saýda soǵystaryna ulasqan ózara sanksııalar men shekteýler tipti ýshyqtyryp tur. Ekstremızm, terrorızm, esirtki saýdasy, kıberqaýipsizdik pen zańsyz kóshi-qon salasyndaǵy jahandyq tegeýrinderdiń artyp bara jatqany da alańdatady. Osyndaı jaǵdaıda beıbitshilikti nyǵaıtyp, aımaqtaǵy qaýipsizdik pen turaqtylyqty qamtamasyz etý jolyndaǵy memleketaralyq mehanızm retindegi bizdiń uıymnyń róli aıtarlyqtaı arta túsedi. Osy múmkindikti paıdalana otyryp, pandemııany eńserýge ún qosqanyńyz úshin qurmetti Vladımır Vladımırovıch (RF prezıdenti Pýtınge) sizge alǵysymdy aıtqym keledi. Taıaý arada Qazaqstanda reseılik vaksınany ázirleıtin zaýyt salynady", dedi Prezıdent.

Sondaı-aq Memleket basshysy sessııaǵa qatysýshylarǵa Qazaqstanda elektoraldy kezeń bastalyp jatqanyn aıtyp ótti.

"2021 jylǵy 11 qańtarda Parlamenttiń tómengi palatasy men jergilikti ókildik organdarynyń saılaýy ótedi. Saılaý konstıtýsııalyq merzimde bolady. Partııalardyń bárine daıarlanýǵa jetkilikti ýaqyt berildi. Bıyl biz teńdessiz demokratııalyq reformalar paketin qabyldadyq. Olar kóppartııalylyqty jáne partııalyq básekelestikti damytýǵa, azamattyq belsendilikti arttyrýǵa baǵyttalǵan. Atap aıtqanda zańnamalyq deńgeıde parlamenttik oppozısııa ınstıtýty bekitilip, partııalyq tizimge jastar men áıelderdiń úlesi úshin 30 paıyzdyq kvota bólindi. Biz ashyq ári ádiletti saılaý ótkizýge nıettimiz. Seriktesterimizdiń qoldaýy men osy elderdiń baqylaýshylaryn kútemiz", dedi Memleket basshysy.

Sońǵy jańalyqtar

Jańa basylym – jaqsylyqtyń jarshysy

Rýhanııat • Búgin, 18:34

Koronavırýs gúl arqyly juǵa ma?

Koronavırýs • Búgin, 17:08

Almatyda páter urylary ustaldy

Aımaqtar • Búgin, 16:37

Oralda 17 jastaǵy jigit kópirden sekirdi

Aımaqtar • Búgin, 15:18

«Nissan Primera» kóligi jylqy soqty

Aımaqtar • Búgin, 13:25

Uqsas jańalyqtar