Prezıdenttiń oqýshylar ornynyń tapshylyǵyn tómendetý boıynsha bergen tapsyrmasyn sheshý úshin 2022 jylǵa deıin mektepterdi jedeldetip salý týraly arnaıy baǵdarlama qabyldandy. 2021 jyldyń sońyna deıin qosymsha 30 myńnan astam oqýshy ornyn qurý jáne oryn tapshylyǵyn 80%-ǵa tómendetý josparlanýda.
Bıýdjet esebinen bıyl qoldanystaǵy mektepterdiń janynan 4 qosalqy nysandar salynady jáne 1 mekteptiń qurylysy bastalady. Memlekettik-jekemenshik seriktestik aıasynda 3 mektep salynady. «Jumyspen qamtýdyń jol kartasy» baǵdarlamasy boıynsha 8 mektep jáne qoldanystaǵy mektepterdiń janynan 13 qosalqy nysandar salynatyn bolady. Jeke ınvestısııalar esebinen 2 jeke mektep ashý josparlanýda.
Balabaqshalardaǵy oryn tapshylyǵy týraly aıtar bolsaq, bul baǵytta da keshendi sharalar qabyldanýda. Keler jyly qosymsha 12,7 myń oryn qurý josparlanýda. 2022 jylǵa qaraı balabaqshalardaǵy kezek 70 paıyzǵa qysqarady.
Aǵymdaǵy jyly 3 memlekettik balabaqsha paıdalanýǵa berildi, mektep jasyna deıingi 95 jeke balabaqsha ashyldy. Sonymen qatar, 4 balabaqshanyń qurylysy jalǵasýda, al keler jyly taǵy 6 balabaqshanyń qurylysy bastalady.
1997-2004 jyldar aralyǵynda jeke bilim berý uıymdaryna jalǵa berilgen 10 memlekettik balabaqshanyń ǵımarattaryn kommýnaldyq menshikke qaıtarý boıynsha jumystar júrgizilýde. Mysaly, 2019 jyly Áýezov aýdanyndaǵy «Skazka» balabaqshasynyń ǵımaraty qaıtaryldy. Qazir munda kúrdeli jóndeý jumystary júrgizilýde.
Jeke balabaqshalardyń qosymsha qyzmetteri úshin ata-analardyń tólemderin ishinara óteý mehanızmi ázirlendi jáne ony Úkimet qoldady. Tólem 50 myń teńgege deıin jetetin jeke balabaqshalarda ákimdik ótemaqy tólegennen keıin ata-analar tóleıtin qarjy 25 myń teńgege deıin azaıdy.
Búgingi kúni qalada 823 balabaqsha bar. Onyń 77%-y jekemenshik. Balabaqsha kezeginde 3 jastan 6 jasqa deıin 21 myń bala, al 1 jastan 6 jasqa deıin 45 myń bala tur.
