Memleket basshysynyń nusqaýlaryna sáıkes, sybaılas jemqorlyqqa qarsy qyzmetti jandandyrý, jeke quram arasynda sybaılas jemqorlyq kórinisteriniń profılaktıkasy maqsatynda, "Qazaqstan Respýblıkasynyń Qarýly Kúshterindegi sybaılas jemqorlyqqa qarsy is-qımyl komıssııalarynyń (sybaılas jemqorlyqqa qarsy komıssııalardyń) qyzmetin uıymdastyrý reglamentin bekitý týraly" Qazaqstan Respýblıkasy Qorǵanys mınıstriniń 2020 jylǵy 30 maýsymdaǵy № 302 buıryǵynyń talaptaryna sáıkes Semeı óńirlik, О́skemen, Aıagóz jáne Úsharal garnızondarynda sybaılas jemqorlyqqa qarsy is-qımyl komıssııalary qurylǵan.
Búgingi tańda áskerı bólimderdiń qolbasshylyǵymen Qarýly Kúshteriniń Sybaılas jemqorlyqqa qarsy standarttaryn áskerı qyzmetshilerdiń saqtaýyn baqylaýdy júzege asyrý úshin sybaılas jemqorlyqqa qarsy is-qımyl týraly zańnamany bilýine testileý belsendi túrde júrgizilýde (QR QM 2017 jylǵy 16 aqpandaǵy №62 buıryǵymen bekitilgen). Testileý áskerı qyzmetshilerdiń barlyq sanattarymen toqsanyna bir ret ótkiziledi.
Sondaı-aq baqylaý – ótkizý pýnktterinde QK Bas shtaby bastyǵynyń orynbasary – Tárbıe jáne ıdeologııalyq jumystar departamentiniń bastyǵy, bas qolbasshynyń orynbasary – QK ÁQ Bas qolbasshysy basqarmasynyń tárbıe jáne ıdeologııalyq jumystar bas basqarmasynyń bastyǵy, "Shyǵys" óńirlik qolbasshylyǵy qolbasshylyǵynyń, garnızondardyń áskerı quqyq qorǵaý organdarynyń Senim telefondary ilingen.
Áskerı bólimderde, qoımalarda jáne saqtaý bazalarynda túgendeý jáne tekserý, tehnıkanyń, qarý-jaraqtyń, oq-dáriler men áskerı jaraqtardyń naqty bolýy, bólimderdiń Qarjy-sharýashylyq qyzmetine tekserý turaqty negizde júrgiziledi.
Laýazymdy adamdardyń qyzmet babyn teris paıdalaný jáne basqa da sybaılas jemqorlyq quqyq buzýshylyqtar faktilerin anyqtaý turǵysynan áskerı qyzmetshilerdiń barlyq sanattarymen jasyryn saýalnama júrgiziledi. Qazirgi ýaqytta basshylardyń baǵynyshtylar arasyndaǵy sybaılas jemqorlyq úshin jaýapkershiligi zańnamalyq deńgeıde bekitilgen.
Memlekettik qyzmetshiler tikeleı baǵynystylary sybaılas jemqorlyq qylmys jasaǵan jaǵdaıda tártiptik jaýapqa tartylady. Sonymen qatar basshynyń ujymdaǵy sybaılas jemqorlyqtyń aldyn alý boıynsha óz mindetin júıeli túrde elemegeni úshin jaýapkershiligi qarastyrylǵan.
О́z sóziniń sońynda Arynǵalı Qurmanǵalıuly sybaılas jemqorlyqqa qarsy is-qımyldy óz quzyreti sheginde júrgizýge mindetti ekenin atap ótti.
