Shymkent qalasynda qylmystyń sanyn azaıtý jáne aldyn alý maqsatynda ýchaskelik polısııa qyzmetkerleri turǵyndarmen úılerdiń kireberisine tıisti kameralardy ornatý boıynsha úgit-nasıhat jumystaryn júrgizdi.
Nátıjesinde, kóp qabatty úılerdiń kire-beristerine 2 462 kamera ornatylyp, qylmystyń tómendeýine yqpal etti. Bul jóninde Shymkent qalasy PD bastyǵy E.Jumahanbetov aqparattyq-kommýnıkasııalyq ortalyqta ótken brıfıngte málimdedi.
– Pılottyq joba retinde "Qazaqtelekom" telekommýnıkasııalyq kompanııasy arqyly beınebaqylaý kameralary qarasha aıynda Shymkent QPD Jedel basqarý ortalyǵyna qosylǵan bolatyn. Atalǵan joba negizinde qylmys sany edáýir azaıdy. Búginde 16 qarasha men 7 jeltoqsan aralyǵynda, qala kóleminde 955 qylmys tirkelgen. Tonaý – toǵyz (2019-29), buzaqylyq – 26 (2019-61), urlyq – 269 (2019-518). Al páter urlyǵy – 27 bolyp, ótken jylmen salystyrǵanda 70 paıyzǵa tómendedi, – dedi departament bastyǵy.
Sonymen qatar, nóldik tózimdilik qaǵıdasy jáne ákimshilik quqyq buzýshylyq boıynsha 758 quqyqbuzýshylyq anyqtalǵan.
Onyń ishinde QR ÁQBtK 434-baby – 294 (Usaq buzaqylyq), QR ÁQBtK 440-baby – 63 (Qoǵamdyq orynda spırttik ishimdik ishý), QR ÁQBtK 449-baby – eki (Qaıyrshylyq), QR ÁQBtK 517-baby – bes (Kóshi-qon zańnamasyn buzý), QR ÁQBtK 441-baby – 146 (Qoǵamdyq orynda temeki shegý jáne tastaý), QR ÁQBtK 204-baby – segiz (Zańsyz saýda), QR ÁQBtK jol erejesin buzý – 161, QR ÁQBtK 442-2-baby (Túngi ýaqytta ata-anasyz jáne zańdy ókilsiz úıde tys jerde júrgeni boıynsha) – 79.
