«Búginde bıznestiń de baǵyttary jańarýda. Soǵan sáıkes ózgertýler oryn alý kerek. Ásirese, ozyq ta qabiletti jastardy ósirý kerek. Jastarǵa bıznespen aınalysýdyń jolyn kórsetken Elbasy Nursultan Nazarbaevtyń qoldaýymen, memleket basshysynyń tapsyrmasymen elimizde kóptegen bıznes – jobalar sátti júzege asýda. Biz Túrkistan óńirinde zamanaýı jańa ıdeıalardy, týrızm, óndiris salalaryn jańǵyrtatyn jańa jobalardy tartamyz, qoldaımyz», - dedi О́mirzaq Shókeev.
О́ńirde jumys istep turǵan shaǵyn jáne orta kásipkerlik sýbektileriniń sany pandemııaǵa qaramastan oń kórsetkishke ıe. Bul ósimde UKP «Bastaý» jobasy túlekteriniń de úlesi az emes. Bastaýlyqtar jobalarynyń arnaıy kórmesimen oblys ákimin palata dırektory Tımýr Naqypbekov tanystyryp, jumys nátıjelerine toqtalyp ótti.
«Kásipkerler palatasynyń keńesshileri 11 aıda kásipkerlik sýbektilerine 13 711 keńes bergen. Budan bólek, «Bastaý» jobasy aıasynda 3676 túlek oqýdan ótip, onyń 1 500-iniń jobalary 11 60,2 mıllıon teńgege qarjylandyrylǵan», - dedi Naqypbekov.
Kezdesýde óńirlik keńes músheleri oblys basshysyn ónerkásiptik parkter qurý jónindegi jobalarymen tanystyrdy.
Bilim berý salasyndaǵy jańasha betburystar, biregeı óndiris, ınnovasııalyq tehnologııalardyń túrlerin damytý jáne óńirde Ulttyq taksı qyzmetin qurý boıynsha erekshe jobalar oblys ákimi tarapynan qoldaý tapty.
