"Búgin Saılaýdy beıpartııalyq baıqaý ortalyǵy ashylǵandyǵy týraly jarııalamaqpyz. Bizdiń ortalyqqa alǵashqy baıqaýshylar kelip jatyr. Barsha álemde saılaý naýqany erekshe mańyzǵa ıe. Saılaý – ol daýys berýshiler tarapynan saılanyp, konstıtýsııalyq quqyqty oryndaý. Bul óz kezeginde kez kelgen eldegi árbir azamattyq quqyǵy. Qoǵamdyq uıymdar únemi saılaý prosesin baıqaý is-sharalaryna qatysýǵa tyrysady", dedi "Qazaqstannyń Azamattyq alıansynyń prezıdenti Baný Nurǵazıeva elordada ótken brıfıngide.
Osy oraıda ol ortalyqtyń mindetteri týraly aıtty.
"Partııalar atynan baıqaýshylar, sondaı-aq ýchaskelik komıssııa músheleri bar. Al qoǵamdyq uıymdar atynan baratyn baıqaýshylardyń basty maqsaty – saılaýdyń qaı deńgeıde ótkenin qaraý. Olar tikeleı qatysýshy emes, ıaǵnı básekelestikke túspeıdi. Olar daýys berý naýqanyn baıqaýǵa keledi. Osy oraıda zań buzýshylyqtarǵa jol berilmeýin, halyqaralyq standarttar men Konstıtýsııaǵa, zańnamaǵa saılaý prosesiniń sáıkes kelýi jaǵdaıyn qaraıdy. Osy talaptar qatań oryndalýy kerek", dedi B.Nurǵazıeva.
