Kásipqoı bokstan orta salmaqtaǵy IBF jáne IBO tujyrymdary boıynsha álem chempıony Gennadıı Golovkın (40-1-1, 35 KO) AQSh-tyń Florıda shtatyndaǵy Hollıvýd qalasynda polıak boksshysy Kamıl Sheremetamen (21-0, 5 KO) jekpe-jek ótkizedi.
38 jastaǵy jerlesimiz sharshy alańǵa sońǵy ret 2019 jyldyń qazan aıynda ýkraınalyq Sergeı Derevıanchenkoǵa qarsy shyqqan edi.
31 jastaǵy Sheremetamen ótetin jekpe-jekte Golovkın IBF tujyrymy boıynsha álem chempıony ataǵyn qorǵaıdy.
Boks keshi aıasynda qazaqstandyq kásipqoı boksshy, ekinshi orta salmaqtaǵy WBC International Silver chempıondyq belbeýiniń ıegeri Álı Ahmedov (16-0, 12 KO) kezekti jekpe-jegin ótkizedi.
Álı Ahmedov 18 kezdesýdiń barlyǵynda jeńiske jetip, 13 qarsylasyn nokaýtpen utqan 31 jastaǵy ekvadorlyq Karlos Gongoramen judyryqtasady. Qazaqstan jáne Qazsport telearnalary boks keshin 19 jeltoqsanda tikeleı efırde kórsetedi. Translıasııa Nur-Sultan ýaqytymen tańǵy 4-te bastalady.
