2013 jylǵy 22 qazan, Astana qalasy
«Ortalyq saraptaý-tekserý Komıssııasy jáne ortalyq memlekettik jáne arnaıy memlekettik muraǵattardyń saraptaý-tekserý komıssııalary týraly erejelerdi bekitý týraly» Qazaqstan Respýblıkasy Baılanys jáne aqparat mınıstriniń 2011 jylǵy 16 qarashadaǵy №348 buıryǵyna ózgerister engizý týraly
«Normatıvtik quqyqtyq aktiler týraly» 1998 jylǵy 24 naýryzdaǵy Qazaqstan Respýblıkasy Zańynyń 43-1-babyna sáıkes buıyramyn:
1. «Ortalyq saraptaý-tekserý komıssııasy jáne ortalyq memlekettik jáne arnaıy memlekettik muraǵattardyń saraptaý-tekserý komıssııalary týraly erejelerdi bekitý týraly» Qazaqstan Respýblıkasy Baılanys jáne aqparat mınıstriniń 2011 jylǵy 16 qarashadaǵy №348 buıryǵyna (Normatıvtik quqyqtyq aktilerdi memlekettik tirkeý tiziliminde №7343 bolyp tirkelgen, «Egemen Qazaqstan» gazetinde 2012 jylǵy 20 qazandaǵy №689-693 (27765) jarııalanǵan) mynadaı ózgerister engizilsin:
kórsetilgen buıryqpen bekitilgen Ortalyq saraptaý-tekserý komıssııasy týraly erejesinde:
1-tarmaq mynadaı redaksııada jazylsyn:
«1. Ortalyq saraptaý-tekserý komıssııasy (budan ári – OSTK) Qazaqstan Respýblıkasy Mádenıet jáne aqparat mınıstrligi Aqparat jáne muraǵat komıtetiniń (budan ári – Komıtet) janyndaǵy qujattardyń qundylyǵyna saraptama jasaıtyn jáne olardy Ulttyq muraǵat qorynyń quramyna engizýge (shyǵarýǵa) baılanysty ǵylymı-ádistemelik máselelerdi qarastyratyn, sonymen qatar, onyń tolyqtyrý kózderin belgileýdi júzege asyratyn konsýltatıvtik-keńesshi organ bolyp tabylady.»;
9-tarmaq mynadaı redaksııada jazylsyn:
«9. Qazaqstan Respýblıkasy Mádenıet jáne aqparat mınıstrligi Aqparat jáne muraǵat komıtetiniń Muraǵattar jáne qujattama basqarmasy OSTK jumys organy bolyp tabylady.».
2. Qazaqstan Respýblıkasy Mádenıet jáne aqparat mınıstrliginiń Aqparat jáne muraǵat komıteti:
1) osy buıryqtyń Qazaqstan Respýblıkasynyń Ádilet mınıstrliginde memlekettik tirkelýin;
2) osy buıryqtyń belgilengen tártippen resmı jarııalanýyn, keıin jarııalanǵany týraly málimetti Qazaqstan Respýblıkasy Mádenıet jáne aqparat mınıstrliginiń Zań qyzmeti departamentine usynsyn;
3) osy buıryqtyń Qazaqstan Respýblıkasy Mádenıet jáne aqparat mınıstrliginiń ınternet-resýrsynda ornalastyrylýyn qamtamasyz etsin.
3. Osy buıryq alǵashqy resmı jarııalanǵan kúninen bastap on kúntizbelik kún ótken soń qoldanysqa engiziledi.
Mınıstr M.QUL-MUHAMMED.
––––––––––––
Buıryq Qazaqstan Respýblıkasynyń Ádilet mınıstrliginde 2013 jylǵy 20 qarashada Normatıvtik quqyqtyq kelisimderdi memlekettik tirkeýdiń tizilimine №8919 bolyp engizildi.
