Oǵan qala tarıhyna qatysty kitaptardy aýdarý jáne basyp shyǵarý máseleleri enedi.
Baǵdarlamada arheologııalyq qazbalar, tarıhı-mádenı eskertkishterdi qalpyna keltirý, teatr jáne mýzykalyq qoıylymdar men Túrkistan qalasynyń shynaıy kelbetin ashatyn basqa máseleler qamtylýy tıis. Arheologııa ınstıtýtynyń dırektory, akademık B.Baıtanaev, belgili arheologtar M.Tuıaqbaev, A.Erjigitova, professor, Q.A.Iаsaýı atyndaǵy MKTÝ ǵylymı-zertteý ortalyǵynyń dırektory D.Kenjetaı syndy ǵalymdarmen birqatar máselelerdi talqylaý barysynda oblys ákimi joǵaryda aıtylǵan usynys-pikirin ortaǵa saldy.
Ǵalymdar Túrkistannyń jańa tujyrymdamasyn jasaý úshin qundy keńester berdi.
Tarıh pen mádenıet eskertkishteri jarqyn oqıǵalarǵa baı aımaqtyń ótkenin zertteý men túsinýge negiz bolyp tabylatyny aıtyldy. Sonymen qatar ǵalymdar Túrkistandy birtutas tarıhı-mádenı aımaq retinde zertteý tarıhyna júgine otyryp, ony ortaǵasyrlyq avtorlardyń eńbekterinen bastaý kerektigin málimdedi. Tabarı, Ibn-Hordadbeh, Makdısı, Istahrı, Ibn-Haýkal, Djývaını, Sheref-d-Dın Ezdı, Vasıfı jáne basqa da uly oıshyldardyń shyǵarmalary tyńǵylyqty zerttelýi qajet. Onyń ústine XIX ǵasyrdyń ekinshi jartysynda áıgili «Túrkistan albomy» jaryq kórdi. Bul Orta Azııanyń keń geografııalyq aımaǵyn zertteýdiń kópjyldyq nátıjesi bola aldy. Basqosýda kelesi kezeńdi Túrkistandy arheologııalyq zertteýdiń negizderi dep sanaýǵa bolatyny aıtyldy.
«Elbasy Nursultan Nazarbaevtyń bastamasymen jasalǵan «Mádenı mura» memlekettik baǵdarlamasy 2004-2011 jyldar Túrkistandy qarqyndy zertteýdiń taǵy bir mańyzdy kezeńi boldy. Baǵdarlama sheńberinde arheologııa, qundy jádigerlerimizdi tabý, saqtaý jáne qalpyna keltirý, tarıhty, mádenıetti jáne tarıhı murany zertteý salasynda kóptegen jobalar júzege asyryldy. Tarıhı-mádenı murany tanymal etý jáne týrıstik klasterdi damytý boıynsha jobalar bastaldy. Túrkistan ólkesiniń tarıhı-mádenı murasyn zertteý men nasıhattaýdy jalǵastyrý jáne elimizdiń basty geomádenı brendterin qurý - kezek kúttirmeıtin jáne mańyzdy mindet», dedi О́mirzaq Shókeev.
Sondaı-aq oblys ákimi qazirdiń ózinde Otyrar oazısiniń eskertkishteri, Kúltóbe, Saýran arheologııalyq kesheni, Sıdaq, Bórijar qorymy, Jýantóbe, Qaraspan tóbesi, Saıram-Ispıdjab, Sozaq eldi mekenderi, Jibek Jolynyń fenomeni jáne basqa da kóptegen nysandar sanqyrly zertteý jumystarynyń negizi bolatynyn atap ótti.
