Iá, qazaq qyzynyń alystaǵy Afrıka qurlyǵyn tańdaýy beker emes. Sebebi Kenııa marafonshylarynyń dańqy alysqa jaıylǵan. Bul elden kóptegen myqty jelaıaq shyqty. Olımpııa oıyndarynda aıtýly memlekettiń órenderi eki ret bas júldeni oljalasa, álem chempıonattarynda bes márte top jardy. Al júldeger atanǵan sańlaqtardy tizbekteıtin bolsaq, olardyń sany tipten kóp.
Máselen, 2016 jyly Rıo-de-Janeıroda alaýy tutanǵan Olımpıadada erler arasynda Elıýd Kıpchoge shashasyna shań jutyrmasa, áıelder saıysynda Djemıma Sýmgong aldyna jan salmady. Olardyń ekeýi de kenııalyqtar jáne de qazirgi kezdegi álemdik rekord dál sol Kıpchogege tıesili. 2018 jyldyń kúzinde ótken Berlın marafonynda ol máre syzyǵyn 2 saǵat 01 mınýt 39 sekýndta qıyp ótken edi.
Mine, sol sebepti de G.Janatbektiń tańdaýy Kenııaǵa tústi. Ol Tokıoda alaýy tutanatyn Olımpııa oıyndarynyń lısenzııalyq týrnırine daıarlanýda.
