24-30 jeltoqsan aralyǵynda Eńbekmıni qyzmetkerleri Nur-Sultan qalasyndaǵy múgedektigi bar balalardy tárbıelep otyrǵan «Baqytty shańyraq» otbasylar qoryna bardy. Búginde Qordyń qamqorlyǵynda 310 otbasynan 330 bala bar. Olarǵa mınıstrlik ujymynyń atynan jańa jyldyq tátti syılyqtar tabys etildi.
Sonymen qatar elimizdiń barlyq óńirinde leıkozben aýyratyn balalar oıynshyqtar men tátti jıyntyqtar túrindegi jańa jyldyq syılyqtar aldy. Búgingi tańda Qazaqstanda joǵaryda atalǵan aýrýmen 16 jasqa deıingi 775 bala turady.
Osylaısha, Jańa jyl qarsańynda QR Eńbekmıni ujymynyń árbir qyzmetkeri óz qarajaty esebinen áleýmettik qoldaýǵa muqtaj kishkentaı qazaqstandyqtar úshin merekelik kóńil-kúı syılaýǵa óz úlesin qosty.
Eńbekmıniniń atyna múgedektigi balalardyń ata-analary atynyn kóptegen alǵystar kelýde.
«Bizge jańa jyl qarsańynda nazar aýdarǵany úshin Eńbek jáne halyqty áleýmettik qorǵaý mınıstrliginiń barlyq qyzmetkerlerine úlken alǵysymyzdy bildiremiz jáne rahmet aıtamyz! Barlyqtaryńyzǵa densaýlyq, tabys jáne baqyt tileımiz! Eń bastysy, sizdiń balalaryńyz árqashan kóz qýanyshtaryńyz bolsyn! Úlken rahmet!» – dedi Janna Mahambetova.
«Men sizderge ulym Kırıllge kóńil bólgenderińiz úshin alǵys aıtqym keledi. Ata-analar balalary saý jáne baqytty bolǵan kezde baqytty bolady. Búgingi sizderdiń nazarlaryńyzǵa rahmet, men ulymnyń kózinen qýanyshty kórdim. Eńbek jáne halyqty áleýmettik qorǵaý mınıstrliginiń barlyq qyzmetkerlerine densaýlyq tileımin», – delingen Ksenııa Kırılenko hatynda.
«Meniń ulyma syılyq bergeni úshin Eńbek jáne áleýmettik qorǵaý mınıstrligine úlken rahmet. Barlyq jaqsylyq pen ıgilik tileımin!» – dedi Iýlııa Shýmskaıa.
«Syılyqtar úshin, jańa jyl aldyndaǵy tosynsyı men ǵajaıyp úshin kóp rahmet! Bizge qatty unady!» – dep jazdy Ekaterına Inýtına Instagram-da.
